كلمات اغنية تحت الشعور روان 2025

بين الوله والشوق والاحساس والليل الطويل

اتوه من تحت الشعور ،،، اللي نزل كنه وبل

وش حيلة اللي رده الولهان من فك الجديل

عقب الفراق المرّ ،،، زاد الحب عن قلبه قبل

اليا طرت جتني مع النسناس بـ السيف الصقيل

نسناس منها هزني ،،،،،، هز الورق وانا جبل

ضاع الطريق اللي من اول كنت في دربه دليل

وانا الذي في وصلها ،،، حاولت في شتى السبل

كفخت جنحان المحبه دمت بـ الماكر سليل

مديت حبل الوصل مير الوصل ماجابه حبل

اسج عنهـا في فيافي ،،،،،،، نجد و الجو العليل

واراقب نجوم السما ثم ترجع اشواقي دبل

اغناني الله من شعور الحب ،، بـ الشي القليل

احساسها يكفي ،،،،،،،،،، يرد الورد لامنه ذبل

حبي لها والله يشهد ،،،،، ماهو الحب الرذيل

احبها حب المروه ،،،،،،، والشجاعه والنبل

لو مسها هـرج الردي ،، مامسها كف الذليل

حي الاصيله عرقها معروف في كل اصطبل

تستاهل الحب الحقيقي ،،، والعطايا والجميل

لو كان شعري من غياب الروح يضرب له طبل

نسيانها يمكن صعب ،،،،،، الا تراه المستحيل

لحدٍ ،،،،، يلوم القلب من عشاقها ماهو خبل