كلمات اغنية صمتي الذباح روان 2025

ضيقة ضميري دونها بسمة اشفاي

انا رهين امرين حزن وتقوّي

من صمتي الذبّاح يحييني احكاي

ولا يميت ازعاجي الا هدوّي

انا بساطي رجم والنجم مركاي

سود الليالي ماتطمّن علوّي

من داء وجد الروح وجداني ادواي

لاراود القلب الشعور المغوّي

الاعتدال وحكمة العقل مبداي

الا المحبه زاد فيها غلوّي

الجادل اللي حركتني من اقصاي

قمت اتخيلها من الشوق توي

لابطيت من شوف اجمل احلام دنياي

كني ورا الاضلاع شبيت ضوي

وان شفتها يطفي زعل قلبي ارضاي

وارحّب بصوت الحنين المدوّي

اول نفس لي فالهوى واخر مناي

عيني لاشافت زينها زان جوي

اذا اشغلت فكري ماعاد احكم الراي

وماعاد اميز صاحبي من عدوي

لوصالها مشاعري تسبق اخطاي

عجل بشعوري ماستطيع التروّي

لا جيتها هلت دموعي وانا جاي

اجل لاجيت اروح وشني بسوي

من عين نفسي طحت والسبه ابكاي

دمعي ثقيل وماهقيته يهوّي