كلمات اغنية اختياري غلط زياد الدساس 2021

ياريتك كنتي فاهمه يعني ايه كلمة " بُعد "

مبقتش اتطمن بعدك حالتي مش ولابُد

ريحة نفّسك شاممها و ذكرياتك في الاماكن

كنت عاشقك لكن حُبي مكانش في قلبك ساكن

و إنتي كنتي غبيه .. مقدرتيش تتمسكي بيا

ياريتني قبل ما احبك كانت جتلي سكته قلبيه

و إكمن قلبي بيحن انا شوفتك اجمل بنت

كداب منسيتش فاكرك انا بيكي إتجننت

انا نِفسي انساكي و انسى ملامحك و انسى شكلك

بتمنى ابطل ادوّر على إنسانه شبهك

مع إنك غايبه عني لسا شايفك جمبي

مش هنساكي حتى لو جالي زهايمر في قلبي

شوفتي بعدك حالتي .. ولا سألتي يعني !

كل ما اقول " نسيتك " الصُدف ترجع توجعني

و افتكر .. و اقول ليه بس قلبك قِدر ؟

عِدي بقى كام مره بعدك فكرت اني انتحر

--

قالوا اختياري غلط قالوا العيب مني فقط

قالوا إن حُبي ليكي لعب عيال و عبط

و انا قولت انا مش غلطان حكيت انا للحيطان

متبقي مني حُطام ولا مره قلبي إتبسط

من امتى اختارت صح .. نسيت انا طعم الفرح

حبيتك غصب يعني قلبي عمره ما قصد

ياريتني انا ما حبيت .. بكيت لكن خبيت

كان حُبك بالنسبالي بيت و قلبي إتطرد

انا مكانش ذنبي حُبك جابلي وجع قلبي

فضلت اخبي .. و كل ما اخبي بيزيد تعبي

كانت امنيتي الوحيده إنك تضلي جمبي

وجعتي قلبي .. طب ليه يا قلبي ؟

كان نِفسي نتجوز و نجيب اطفال شبهك و شبهي

وجعتي قلبي .. طب ليه يا قلبي ؟

كان حلم جميل اوي .. مفيش حاجه إتحققت

عُمري ما كنت ببص لـ واحده غيرك ولا بلتفت

مع ذلك خونتي .. بسهوله بيعتي

و مازلتي لسا جوه مني و لسا شايفك بنتي

--

ياريتك كنتي فهمتي انا قد ايه بحبك

ياريتك كنتي لاحظتي سرَحاني في عينيكي و ضحكك

و ياريتني بطلت إني افتكرك

دي حتى بديلتك .. انا كنت بندهلها بـ إسمك

كده منساش و اتنسي .. بحن و قلبك قسي

قفلتي قلبك بالمفتاح و صممتي تتربسي

قلبك اتملى بعدي بس قلبي فِضي

مشيتي و خدتي معاكي روحي و فرحتي و ضحكتي

و ازاي من بعدك احب .. و ازاي كان حُبك كدب ؟

كذا مره اكونتك يتغير " In Relationship "

كده انا فهمت .. كان حُبي بالنسبالك لعب

اديكي تمام من بعدي و انا ولا مره فرحت

دي حقيقه .. منسيتكيش بـ 100 مليون طريقه

بقيتي مُخيفه .. و مفضلتيش بنتي البريئه

كله إتغير .. و انا لسا بـ قلب طفل صغير

انا اختياري غلط بس انا مكنتش متخيّر

--

قالوا اختياري غلط .. قالوا العيب مني فقط

قالوا إن حُبي ليكي لعب عيال و عبط

و انا قولت انا مش غلطان .. حكيت انا للحيطان

متبقي مني حُطام ولا مره قلبي إتبسط

من امتى اختارت صح .. نسيت انا طعم الفرح

حبيتك غصب يعني قلبي عمره ما قصد

ياريتني انا ما حبيت .. بكيت لكن خبيت

كان حُبك بالنسبالي بيت و قلبي إتطرد