كلمات اغنية اخرتها كده زياد الدساس 2023

فين ردك على سؤالي .. عملتي ايه عشاني ؟

عملت كل حاجه عشان تشوفيني و مش شايفاني

بُعدك شفّاني .. قُربك ولا مره شفاني

فضلت اقول راجعالي و انتي في حضن حد تاني

كنت مستعد اسمعك .. لو كان عندك اعذار

و انتي حطيتيني في اختيار ما بين النار و النار

ازاي كنت بصدقك .. انا فعلاً كنت حمار

غيابك طال كفايه بقى بوختي في الهزار

رجوع .. مش راجع .. ولا عُذر ليكي شافع

كل محاولاتي طلعت فاشله خلاص معادش نافع

كانوا بيغلطوا فيكي و كنت عنك ياما بدافع

انا كنت حاجز كنت شاري و روحتي للي دافع

حب .. حب ايه .. حب مين ده كان كمين سابتني حزين

سابتني وحيد بكلم في الحيطان بالليل

شوفت .. بعدت سنين و راجعه تقول جابها الحنين

بس الحياة سلف و دين و بكرة اكيد هتشوف الويل

اخرتها كده اتمسك بيكي و فجأة تروحي

كنتي انتي روحي بس بعدك طلعت روحي

راح فين طموحي مش باقيلي غير دموعي

مُضتر اني امشي .. خلاص متستنيش رجوعي

بجد انا استغبيت لما شوفت حضنك بيت

و انا عمر عيني ما دمعت لكن عليكي بكيت

حبيت ولا اتحبيت بكل سهوله انا اترميت

بقالك سنه و نص بعيده و ولا يوم انا نسيت

قلبي اتدشدش .. لسا الجرح فيا معشش

بُعدك ده امتحان و مفيش حلول و محدش بيغشش

خلاص بقيت بخاف من كل الناس انا متلبش

مش عارف احب حد ما انا اكتشفت ان انا متحبش

بعد كل اللي انا عملته .. ملقيتش كلمة شكر

كل جرح وراه اللي بعده حالي حزين و مش بيسر

لسا بجري و مهما بجري المُر مش بيمر

زعلوني و ناموا بدري و سهرت ابكي لحد الظهر

مش لاقي مفر من الاحزان مش عارف اهرب

انا قلبي خلاص مفهوش مكان لـ جرح بلاش تقرب

قلبي خلاص من كتر الركنه ترب

ازاي انا مصعبتش عليكوا ده انا عليا بصعب

اخرتها كده .. اتمسك بيكي و فجأة تروحي

كنتي انتي روحي بس بعدك طلعت روحي

راح فين طموحي مش باقيلي غير دموعي

مُضتر اني امشي .. خلاص متستنيش رجوعي