كلمات اغنية اسف على التأخير زياد الدساس 2024

اسف على التأخير

مشيت بس انا عارف راجعه تاني و هتعيط صدقني

ادي دقني .. بكرة هترجعلي تقول " حقي بـ رقبتي "

هترجع تاني لـ عندي و تتمنى في طريق تلمحني

هتقول ده " كان لي سندي و انا اسفه انا ضيعته بـ هبلي "

هرد اقول " تستاهلي " .. عشان انا كنت جمبك

كنت حَبك كنت عاشقك و انتي اخترتي تقسّي قلبك

كنتي بنتي و كنت بخاف عليكي اكتر من اهلك

بدعيلك من قلبي .. ربنا يبعتلك حد شبهك

مبقاش انا .. لو قولت في يوم " وحشتني " او " بحن "

مبقاش انا .. لو مره عليكي نمرتي هترن

مبقاش انا .. لو رجعت اتحايل تاني و ازن

بينا فرق اصل مكانش بينا مجرد فرق سن

اسفلك .. من قلبي اسفلك عشان عززتك

اسفلك .. عشان من وسط كل دول ميّزتك

لو عـ الناس اللي مني خلاص بطلوا يجيبوا سيرتك

كسبت نفسي و ده اللي هاممني مش فارقه اني خسرتك

اشوف وشك بخير مع اني مشوفتش منك خير

دي تالت مره احب و متحبش لا كده مش فير

اروح لمين و اروح لفين .. بقيت لوحدي في الحالتين

مشيت عشان مقبلتش اني ابقى في قصتي دوبلير

انا ياما فيها نصحت .. قولتلها " خليكي جمبي "

عينيها زي البحر .. غداره بتكدب و تخبي

مش هقدر اعيب في حد المره ديا الذنب ذنبي

عملتي بلوك صح ! .. خلصانه هبلكك من قلبي

كل حاجه بقت واضحه مش هسأل " بعدتي ليه ؟ "

دي كانت اخر صفحه و خلاص اتقطعت نصين

دلوقتي انا بزعل ليه و الدموع ماليه العينين

قولتي " رجعت عشان بحبك " .. بس بان كان غرضك ايه

حبيتي بس المال .. و انا حالي بعدك مال

رجلك و انتي ماشيه جمبي كانت دايماً تحدف شمال

و انا كان نِفسي في حلال و بيت كبير نملاه عيال

بس بجد .. انا صدقت .. لا الدور عليا خال

مشيتلك كذا طريق و رجعت منه و خاطري كان متكسر

لو كنت عارف انك ماشيه بجد كنت استخسر

اني اضحي و اني افكر و اني في ناس كتيره بخسر

و عشان ايه .. علشان واحده انا بالنسبالها فلوس مش اكتر

حسيت ان دي اخر مره همسك فيها ايدك

يشهد ربنا اني بجد كنت شاريكي و كنت بريدك

و اخرتها متبقيش من نصيبي ولا ابقى من نصيبك

بكره الدنيا بجد تهينك و تعرفك مين حبيبك

انا هنسى اكيد و هبقى احسن .. على الرخيص مش هحزن

مش هقبل تاني اتهزق لأجل انولك في المستقبل

مش هقبل ابقى مغفل .. و اصدق في وعود زايفه

متستنيش اني ابقى امانك لما تبقى خايفه

طب كنتي شايفه .. قد ايه بزعل و منامشي !

كنتي عارفه قد ايه عيطت و قولتلي " متزعلشي " !

شوفي في عيني اللهفه على حلم و في الاخر متحققشي !

اسف على التأخير انا لازم اخد بعضي و امشي