كلمات اغنية اعذريني زياد الدساس 2020

اعذريني

نوّرتي قلبي بقيتي بالنسبالي أنسب واحده

حقيقي انا مش مصدق إن إحنا إتجمعنا في زفه واحده

و انا شوفت في عينك اللمعه , و شوفتي في عيني دمعه

فـ سألتيني " مالك !؟ " قولتلك " دي بس دموع الفرحه "

صحابنا و جيرانا و أحبابنا كانوا حاضرين ساعتها

بصيت في عينها فـ شوفت الجنه الفرحه ما ساعتها

كانت أحلى مره أشوفك فيها , و كنتي في عيني سارحه

كنتي جميله جداً بالفُستان و الطرحه

و من النهارده حياتنا بدأت تحلى فرحت بجد

من أول يوم انا قلبي إتشد و كنتي أحسن حد

ضحكتي و ضحكتك كانت عامله زي نور الشمس

كانت بتنوّر كل حياتي بس

فداكي قلبي و روحي و مش هقولك " إتجرحت "

و انا أسف جداً أعذريني شكلي سرحت

بقيتي جمبه في كوشه و انا مكنتش حُضن دافي

اعذريني انا كنت بوصف يوم زفافك مش زفافي

----

اعذريني يوم زفافك .. مقدرتش أفرح زيهم

مخطرش أبداً يوم في بالي .. إني أبقى واحد منهم

مخطرش أبداً يوم في بالي إني أكون واحد منهم

مصعبتش عليكي بس انا صعبت عليهم كلهم

كانت ليله سودا يوم ما بعدتي و فعلاً مستوعبتش

و حياة كل دمعه نزلت مني انا كنت بجد بحبك

جيت فرحك فـ تعالي عزّي فيا و ردي ليا خيري

ضحكتك بتنوّر حياتي , و لو ضاحكاها لـ غيري

و متقلقيش عليا انا ليا رب كريم

كان نِفسي أكون مكانه بس نصيبي أكون مع المعازيم

طب كنتي قولتي يعني إنك شايفالك شوفه

انا جيتلك بس عشان كان نِفسي إن انا اشوفك عروسه

أسف إني معيش فلوس فـ مش في طابور اللي إشتروكي

و الله فرحتلك أكتر من أمك و أبوكي

كان نِفسي أكون مبسوط للأخر بس خانتني عينيا

دمعت غصب و كانت فرحه ليكي و حُزن عليا

و دي أخر غنوه ليكي .. انا جيت و قولت أهني

انا مش زعلان و أديني فرحان و في " يوم فرحك " بغني

----

جايلك بهني .. واقف بغني

معرفش ليه ايه اللي جابني !؟

غير إني أشوفك بس و أمشي

معرفش ليه ايه اللي جابني !؟

غير إني أشوفك بس و أمشي

و مش هاممني أصعب عليهم كلهم

----

و انا مش هاممني كلامهم كله يولع

انا جاي بس عشان قلبك يحس و ودنك تسمع

انا كنت عارف لما مشيتي إننا عُمرنا ما هنرجع

مش عايز أصعب عليكي ولا إني أشوف عينك بتدمع

كل ده كان بسببي مكانش بسببك

كنتي عايزه فلوس أديكي خدتي فلوس و بيعتي قلبك

كسرة نِفسي متتوصفش وقت ما جت إيده في إيديكي

أخر أغنيه كانت بـ حجم الفرحه اللي في عينيكي

شاب ركب سفينه , و هو عارف إنها غارقه

كان بيحلم بس حلمه يروح لـ غيره و بيتحقق

شافها فـ حَبها و آمن بالحُب , و كان عمّال يعافر

اللي آمن بيها بقى النهارده كافر

هيكسر ألف واحده قصادها , و مش هيفِش غِله

ما هي كسرة نِفسه مكانتش سهله دي كسره قادره تهده

كان قلبه مليان بيها .. لكن بـ غيابها فِضي

قال " أسف يوم ما جيتلك مقدرتش أمسك دمعتي "

----

يوم ما جيتلك غصب عني ..

مقدرتش أمسك دمعتي

ليه زمان فرقنا ليه !؟ ..

متكونيش من قِسمتي

حاجه واحده طمنتني ..

خليتني أمشي من سُكات

شوفت في عينيكي إبتسامه

فيها معنى " الماضي مات "

ده انا لو بموت من بعد منك

لازم تعيشي بعد مني