كلمات اغنية الكيف بيذل زياد الدساس 2023

مش عارف اوصفلك قد ايه مشاعري انا متربه

اللي اتكسر جوايا مش هيتصلح بالطبطبه

و ياريتك حتى انتي مقربه

معيش مصباح و فقير و الدنيا ديا مش اغربه

ابوكي مش سلطان فـ مش هيغير القوانين

بس علاء الدين من غير مصباح برضو اتجوز ياسمين

فاكرك و لو عقلي هينساكي مشاعري مش ناسيين

و كان غريب اتصل بيكي بعد سنين تقوليلي مين ؟

انتي نسيتي ؟ .. عرفتي تعيشي خلاص حبيتي ؟

من لقى بديل استغنى فـ ده كان سبب انك قسيتي

ولا فكرتي انك تسامحي .. و دوستي ولا حليتي

و كل عمري عدى معاكي لما من قدامي عديتي

دايماً حزين .. لكن مش عارف بحزن ليه

وقت ما انا بصيت في عينيك كانت عينيك رايحه على عينيه

غلطت لما شربت المُر و قومت حاسبت عليه

ليه غليتك زي الدولار و متسويش حتى جنيه

الكيف بيذل بروحلك تاني و مش بمل

انا اللي غلطت عشان فضلت بنفسي بقل

رجعت احن و اشتاق لكل لحظه

مع اني اصلاً مش في بالك ولا ملاحظه

قالوا " اختياري غلط " كان عندهم حق

بزعل و احضن صورتك و انتي بتحضنيه شوفتي الفرق ؟

الكيف بيذل .. بس انا خلاص مش هتذل

و مهما الدنيا بيا تضيق اكيد هلاقي حل

ياريتك كنتي فهمتي انا قد ايه بحبك

ببص في عينيك اقول كل القسوه دي تيجي منك ؟

اللي انتي معاه بصيتي في جيبه و هو بص لـ جسمك

بيعتيني ازاي بسهوله ده انتي قولتي عليا حلمك

الحزن في قلبي زاد و في عيني بسأل عليا فيني ؟

ازاي تعميني و كنت انا مديكي عيني ؟

ازاي سيبتيني و خليتيني اتوه في سنيني ؟

كله بيواسيني .. محدش قادر ينسيني

سيبتي ليه و بعدتي ليه طب دلوقتي رجعتي ليه ؟

اقولك انتي رجعتي ليه علشان شوفتي وصلت لـ ايه

و كنتي فين ؟ .. وقت اما حزنت روحتي فين

اللي انتي سيبتي ايديه .. ده ألف واحده تموت عليه

لكن حَبك و اختارك انتي من بين كل الناس

و انتي قلبك فاضي .. ايوه فاضي معندكيش احساس

مقامك تحت الجزمه و انا كنت مساويكي بـ ماس

الحب ملهوش لازمه طالما اللي يحب بيتداس

الكيف بيذل .. بروحلك تاني و مش بمل

انا اللي غلطت عشان فضلت بنفسي بقل

رجعت احن .. و اشتاق لكل لحظه

مع اني اصلاً مش في بالك ولا ملاحظه

قالوا " اختياري غلط " كان عندهم حق

بزعل و احضن صورتك و انتي بتحضنيه شوفتي الفرق ؟

الكيف بيذل .. بس انا خلاص مش هتذل

و مهما الدنيا بيا تضيق اكيد هلاقي حل