كلمات اغنية النهايات اخلاق زياد الدساس 2022

النهايات اخلاق 

كل ده كان ليه عايز اعرف غلطت في ايه

خونتي قلبي و بيعتي حبي حتى الجرح قدرتي عليه

و سيبتي ايه ؟ .. غير كام اغنية بتفكرني بيكي

انا بهنيكي .. مبروك عشان لقيتي اللي ينسيكي

طب ده ذنبي .. غلطت عشان سلمتك قلبي ؟

ولا عشان مكنتش بعرف انافق زيك ولا بخبي

حبيتي غيري .. و انا حتى معرفتش ايه عيبي

ليه يا بيبي .. ابص فـ عينيك فـ انتي تبصي في جيبي

شجرة العشم طرحت خوازيق .. حبي اتشاف تلزيق

كنت جوه عينيا شايلها و طلعت بتحب التهزيق

كانت عايزة اللي يمرمطها و انا طيب فـ اتشافت مسهوك

دلوقتي عاجبك ؟ .. كل دول اتجرحوا بسببك

اصبحت زيك .. بجرح في اللي بيحبني

و اخش في علاقات و بـ كلمه واحده اهد اللي بيتبني

و اتأكدت ان انا لا اصلُح للعلاقات و الارتباط

علاء الدين من غير بساط و ايش ياخد الريح من البلاط !

متقلقيش مش هجيب سيرتك بالشر

و إن يسألوني عن حبنا هقول " ربنا مآرادش "

لو حبك فادني في يوم فـ برضو مفادش قد ما ضر

هطلع احسن منك انا و مش هقول كلام محصلش

انتي اللي اخترتي .. على الله بقى تكوني اتبسطتي

كنتي و انتي بعيده احلى ياريتك اصلاً ما قربتي

ياريتني خدت بعضي و روحت و مشيت من سكات

خلصت على بلوكات .. و بسأل هونت عليكي ازاي ؟

بسهوله كده .. تبيعي و ابقى انا كبش فدا !

بحزن كل ما اعدي من الزمالك فوق كوبري ابو الفدا

و افتكر كل ده .. و اقول " هتحن بكرة و ترجع "

انا لسا بغني ليها و عارف انها مش بتسمع

من كتر الدموع خلاص عينيا باشت

قالتلي انا " بموت فيك " و اديني مُتّ و هي عاشت

بعدت و سابت بالرغم انها قالت ليا و حلفت

قالت " مش هعرف اعيش من غيرك " بس اديها عرفت

و اديها نهت القصه .. هترجع ولا لسا ؟

تعبت من كتر اما بحكي عنها نِفسي احكيلها

وحشتني .. بس من حياتها هي حاشتني

مكانش ينفع بعد الحب ده كله تسيبني و تمشي

----

انا مقليتش بـ أصلي ليه قليتي بـ أصلك ؟

رخصتي بالنسبالي بعد ما كان الغالي يرخصلك

كنا قريبين دلوقتي مش عارف اوصلك

مش كنتي بتحبيني .. طب ايه بس اللي حصلك ؟

واحشاني بجد .. خلاص مبقتش قادر انكر

و لو عـ الجرح تسلم ايدك فعلاً انا متشكر

كل يوم بفكر فيكي و ذكرياتك بترازيني

ده انا جيتلك هربان من الأذى .. ليه تأذيني ؟

خليتيني .. اشك في كل الناس من بعدك

ما انا صدقتك .. و نابني ايه غير انك خونتي وعدك ؟

انا كنت واثق فيكي عمري في لحظه ما كنت بشُك

نِفسي مره تنسي إن احنا بعدنا و تفكي البلوك

بقيت بتمنى لو لـ مره تسأل و تطمني

مبقتش اعاني من الوحده دي الوحده اللي عانت مني

كل يوم عمال يتعاد ولا حد سأل ولا كلمني

بقيت بخاف احب حد تاني و برضو يسيبني

بتأسفلك .. عشان اديتك قيمة اكبر من قيمتك

بعتذرلك .. عشان مقبلتش اني اذلك

انا استحملتك .. بـ غشك و خداغك و كدبك

اسف لـ قلبي عشان معرفش انه يبطل يحبك

----

النهايات اخلاق .. هبيّنك ملاك لو انتي شيطانه

هكدب و اقول " انا الغلطان اما انتي مش غلطانه "

اجيب منين مشاعر انا معادش عندي طاقه

كتبت على باب قلبي بعدك " مغلق للصيانه "