كوبليه ما هي كلمات اغنية انا اسف زياد الدساس ...؟
تاريخ طرح اغنية زياد الدساس الجديده انا اسف
٢٢ أغسطس ٢٠٢٤
كلمات اغنية انا اسف زياد الدساس 2024
اسف يا بابا عشان خيّبت املك
اسف بجد عشان فشلت افرح قلبك
اسف عشان مطلعتش ناجح زي ما بتتمنى
" انا كارهك " .. الجمله لسا في ودني رنه
مستغرب ليه اني طلعت كاره نفسي ما كله بسببك
بداري عياطي كل يوم عشان بخاف تتريق
لسا فاكر بعد 22 سنه تهتم بزرعك
مبقتش احس بـ وجعك ما انا من الضرب جسمي نحس
ضرب الدنيا مبيوجعش انا خلاص نحست
ده البخت .. كلهم وصلوا اما انا اتسوحت
عمركوا ما هتحسوا بيا الا اما اتدفن و انزل تحت
ما انا ببين اني تمام و بضحك حتى لو اتجرحت
مهما بعمل مهما اقرب برضو مشاعره مش بيحنوا
و ده وضع صعب جداً من غير حتى ما اقول و افسر
تنحت .. وقت اما شوفت اب بيحضن ابنه
مش ببالغ بس سمعت صوت قلبي و هو بيتكسر
انا اسف .. اسف عشان طلعت خايب
ملقيتش الحنيه منكوا فـ انا بقيت من الكل خايف
انا اسف .. اسف عشان انا حاضر غايب
مش كل شويه تقولولي يا فاشل .. خلاص انا عارف
اسف يا ماما .. اتمنى توصلك رسالتي
تعبت طول حياتي بس انا هرتاح دلوقتي
كنت لوحدي .. محدش كان مستحمل حالتي
قلبي وجعني لما قولتي انا فاشل مش زي ابن خالتي
طب كنتي اتبنيه .. مش تهدي حلمي اللي ببنيه
كنتي قولي هسيبه في حاله علشان فيه اللي مكفيه
زودتي الجرح بـ جرح و جرحي مش عارف اخبيه
كل يوم بعيط .. هل عياطي ده حسيتي بيه ؟
انا عارف اني فاشل عارف اني مش مثالي
عارف اني رخيص في عينكوا و اي حد غيري غالي
فاكر كلامكوا في بالي " ابني ده مخيب امالي "
بس عندي سؤال عمر حد فيكوا سألني مالي ؟
كلامكوا في قلبي زي الطلقه مكانش مجرد شظيه
كلمة انك ندمانه اني ابنك بالنسبالي القاضيه
انا خايف .. خايف اموت و انتي عليا مش راضيه
خايف لما اكون في قبر لوحدي جنازتي تبقى فاضيه
انا اسف .. اسف عشان طلعت خايب
ملقيتش الحنيه منكوا فـ انا بقيت من الكل خايف
انا اسف .. اسف عشان انا حاضر غايب
مش كل شويه تقولولي يا فاشل .. خلاص انا عارف
اغنية انا اسف زياد الدساس 2024 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٢٢ أغسطس ٢٠٢٤ كوبليه كلمات اغنية
- كلمات : زياد الدساس
- الحان : زياد الدساس
