كوبليه ما هي كلمات اغنية براحتك زياد الدساس ...؟
تاريخ طرح اغنية زياد الدساس الجديده براحتك
٠٥ ديسمبر ٢٠٢٤
كلمات اغنية براحتك زياد الدساس 2024
عدى يوم ورا يوم و كل يوم بقول اكيد هتندم
و الظاهر إن محدش غيري في البعاد بيحزن
كل يوم انا بفتكرها و مش باجي في بالها ولا بتحلم
خلاص انا استسلمت بجد انتي وحشتيني جداً
انا عندي سؤال .. و نِفسي اعرف ده ايه معناه
ازاي تفضلي مع واحد طول العمر مهمشاه ؟
اعيش من غيرك يعني ازاي اكيد دي مسمهاش حياه
ديسمبر جه و جاب كل الزعل معاه
قالت " هبعد " .. و سهرت طول الليل متنكد
كان نِفسي اسألها بس مين ده اللي معوضها عني ؟
كانت بتهدد .. دي حبت غيري و انا متأكد
و عادي انها محبتنيش ما انا مش حاببني يعني
كان ممكن كله يقسى بس هي متبقاش قاسيه
كان ممكن كله ينسى بس هي متبقاش ناسيه
قررتي خلاص البعد بس انا عمري ما هان عليا
معرفتش اقولك ايه وقت ما قولتيلي " خلاص انا ماشيه "
براحتك ما انتي بصيتي لـ مصلحتك
نسيتي وقت ما جيتي بايظه و بـ ايدي انا صلحتك
براحتك .. و انا الغلطان عشان قدرتك
قولتيلي مش عايزاني و انا مصدقتش صراحتك
اقولك سر .. زعلي عليكي لسا مستمر
ضحكت عشان مبينش الدمعه اللي كانت من عيني هتفر
فعلت خلاص وضعية الموڤ اون ضغطت الزر
فتحت شاتك شوفت قد ايه اتحايلت دي حاجه تعر
ما هو مش معقول اكيد هفضل كل شوية اعيد
و اطبطب ياما و ادلع و البعيد لساه بعيد
حبيتك على ايه و انا اصلاً مش مستفيد
و اجمل ستات في الدنيا اتمنوا مني سلام بـ الايد
متكدبيش .. العيب مش فيا انتي اللي محبيتينيش
كنت بالنسبالك زي فنجان مكسور مركون في النيش
مبوحشكيش .. و انا متأكد متخبيش
ياريتني كان اتقطع لساني قبل ما اقولك " متسيبينيش "
هينت نفسي .. رغم اني طول حياتي مقامي عالي
كنت اهبل لما كنت عايزك تبقي ام عيالي
ايه اللي عماني ؟ .. خلاني اشوف ان الرخيص بقى غالي
وقت ما قولتلك " تعالي " .. مشوفتش منك غير تعالي
براحتك .. ما انتي بصيتي لـ مصلحتك
نسيتي وقت ما جيتي بايظه و بـ ايدي انا صلحتك
براحتك .. و انا الغلطان عشان قدرتك
قولتيلي مش عايزاني و انا مصدقتش صراحتك
اغنية براحتك زياد الدساس 2024 بالكلمات مكتوبة كاملة من كلمات Zeyad El-Dassas والحان Zeyad El-Dassas تم طرح اغنية زياد الدساس الجديدة على القناة الرسمية على اليوتيوب بتاريخ ٠٥ ديسمبر ٢٠٢٤ كوبليه كلمات اغنية
- كلمات : Zeyad El-Dassas
- الحان : Zeyad El-Dassas
