كوبليه ما هي كلمات اغنية بطمنك زياد الدساس ...؟
تاريخ طرح اغنية زياد الدساس الجديده بطمنك
٠٨ أغسطس ٢٠٢٤
كلمات اغنية بطمنك زياد الدساس 2024
انا بطمنك هتجوزك زي ما قولتلك
انا مش من الناس اياها اللي بتزهق لما بتمتلك
اتكلمي و مش هسكتك هفضل ماشي في سكتك
كل الدنيا دي بتنور لما بس اشوف ضحكتك
اضحكي .. ياللي انتي ضحكتك بتحلى ايامي
بفكر فيكي قبل ما انام و نتقابل في احلامي
صدقي كلامي .. انا هفضل صاينك مهما تنامي
محدش غيرك انتي يا نن عيني هديله اهتمامي
يا احلى حاجه حصلت ليا يا اجمل صدفه و احلى هديه
كنوز الدنيا متساويش جمب الضحكه ديا
انا مهما اكون حزين بشوفك ببقى ميه ميه
بتقارنوا روحكوا بمين محدش اغلى منها هي
انا بطمنك .. مش هحب غيرك مهما اشوف
هفضل جمبك و معاكي و مش هخليكي تحسي بخوف
ده انا روحي تروح فداكي مهما كانت الظروف
" ش - ر - و - ق " دي حياتي في 4 حروف
بطمنك .. يا حبيبي من اولها
سكتنا لو .. عاندتنا هنكملها
دنيتنا لو .. تعبتنا من عمايلها
بالصبر انا و انت هنستحملها
دموعك غاليه عليا يا نور عينيا بلاش تزعلي
همك ده خُف الريشه و عمرك على قلبي ما تتقلي
تتجوزيني ؟ .. انا هفرج جداً لو تقبلي
انا معرفش اي حاجه غير ان انتي مستقبلي
سيبي الناس تقول زي ما تقول .. معقول
حد يشوف يعني العيون دي و يفضل عاقل مش مجنون
لو مهما البُعد يطول .. مفيش غيرك عندي مقبول
مش هيهدالي بال الا اما اجيلك و في ايدي المأذون
يا ام احلى عيون .. هفضل مُغرم و بحبك
كل الدنيا تهون لما بلمح ضحكه منك
اميرة و جت من ديزني .. جميلة عشان اميرتي
ازاي هفهم بنتي ان امها قبلها كانت بنتي ؟
بدأنا صفحة جديدة .. و خلاص نسينا ماضينا
كفاية خناق و خصام بجد ربنا يهدينا
الشوق ما زال مالينا .. و محدش غيرنا لينا
على قدنا هنفضل سوا و هنعيش مع بعضينا
على قدنا .. هنعيش مع بعضينا
و حبنا .. من الدنيا دي يكفينا
ده انت و انا .. ولا عمرنا اتمنينا
غير بيت صغير و باب مقفول علينا
اغنية بطمنك زياد الدساس 2024 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٠٨ أغسطس ٢٠٢٤ كوبليه كلمات اغنية
- كلمات : زياد الدساس
- الحان : زياد الدساس
