كوبليه ما هي كلمات اغنية بلياتشو زياد الدساس ...؟
تاريخ طرح اغنية زياد الدساس الجديده بلياتشو
٢٩ يونيو ٢٠٢٣
كلمات اغنية بلياتشو زياد الدساس 2023
انا هشكي لمين و كل دول بيسمعوني ؟
كلهم عايزين تراكات تبكي عيوني
انا هونت على الكل هان عليهم يجرحوني
و رغم كل ده لسا برضو بيوحشوني
كله ساب بدون اسباب .. ميستاهلوش عتاب
قوللي انك " محبتنيش " بس متكدبش يا كداب
رجعت احن تاني ازاي صح الهوا غلاب
في الاخر انا بتعاب عشان ربيت و طلعوا كلاب
عايزين تراكات تزعل .. مش عايزين نشوفك احسن
ازاي انا هفرح لما يسقفولي كل اما احزن
و انا هحكي ايه غير حزني .. لما ابكي مين هيشوفني ؟
حد يقوللي ازاي سكينته في ضهري و كنت واخده في حضني
محدش هنا بيحبك اما بتحزن كله بيضحك
شوفت النقص .. تمد ايديك عشان تساعدهم ياكلوا كتفك
السهم صاب .. الجرح لسا ما طاب
مكنتش عايز شهره انا كان نِفسي يكونلي صحاب
بلياتشو بيضحكهم و يبكي لوحده
بلياتشو محدش حس بيه ولا حَبه
بلياتشو و كل حاجه ماشيه عكسه
و رغم كل تعبه مبيأذيش الا نفسه
انا موصلتش لـ حاجه من اللي بتمناها
حتى هي .. مكنتش عايز الا اني ابقى معاها
و الحاله هي الحاله انا في متاهه جوه متاهه
سحرتني و خدعتني يعني كانت زي النداهه
انا موصلتش لـ حاجه و دمرتني كل حاجه
في الحياه ممنوع دخول الطيبين او ذو السذاجه
بطلت احتاجك امشي يلا و رد بابك
راجعلي ليه بعد اما اخترت البعد ايه اللي جابك ؟
مش عايز اي شئ .. ولا عايز منك شير
انا عايز بس ارتاح .. و اعرف انام بليل
و لو كان فيها الخير .. مكانش رماها الغير
دي حبت بعدي و حبت بعدي و عملت قلبها اسانسير
كده ارتاحت ! .. لا ريحتها النجسه فاحت
مكانش لازم ابقى حنيّن كانت عايزه الجاحد
قيدتلها صوابعي العشره شمع لحد ما ايدي ساحت
صعبان عليا حبيبها اللي قالتله " انت اول واحد "
بلياتشو .. بيضحكهم و يبكي لوحده
بلياتشو .. محدش حس بيه ولا حَبه
بلياتشو .. و كل حاجه ماشيه عكسه
و رغم كل تعبه مبيأذيش الا نفسه
بلا راب بلا قرف .. فرحي كان جن و انصرف
شغفي انطفى و كله اختفى ولا حد طبطب ولا عطف
كان ليك الشرف انك تعرفني فعلاً ليك الشرف
قال على نفسه صاحبي و مع اول قلم عليا اعترف
انا مش محظوظ .. انا اكتر انسان منحوس
سموني الدساس عشان على كل اللي بيكسرني بدوس
ربيت كل انواع الكلاب كلاب حريم و كلاب فلوس
تحزن فـ الحياه بتديك .. بتديك دروس
دماغي بعد 12 بالليل بتتقلب حلبة مصارعه
حظي زي حلاق فتح في حاره رجالتها قرعه
الدنيا مسرح و انا مش بفرح انا بمثل اني بفرح
حتى في حلمي وقت ما بفرح لازم اصحى
النحس بيلازمني .. و مش عايز يسيبني
الدنيا بتأدبني .. و ابن العايبه كمان بيعيبني
حتى اللي كنت بحارب لي دلوقتي بيحاربني
و ازاي هحب حد و انا اساساً مش حاببني
بلياتشو .. بيضحكهم و يبكي لوحده
بلياتشو .. محدش حس بيه ولا حَبه
بلياتشو .. و كل حاجه ماشيه عكسه
و رغم كل تعبه مبيأذيش الا نفسه
اغنية بلياتشو زياد الدساس 2023 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٢٩ يونيو ٢٠٢٣ كوبليه كلمات اغنية
- كلمات : زياد الدساس
- الحان : زياد الدساس
