كلمات اغنية تتر النهايه زياد الدساس 2022

هديلك لمحه .. كانت بتخونني لما تروح الجامعه

كل حاجه زادت الا الفرحه في قلبي فضلت شحّه

كل اللي مني اعتبروني ميت قروا عليا الفاتحه

و انا ملقيتش رد ساعتها غير بالصدمه و كلمة " ا*ا "

ازاي انا هضحك ؟ .. الدنيا دي صابتني بـ امراض مُزمنه

فضلت نضيف مع اني صاحبت شله كلها مُدمنه

كله كدِب .. ازاي من غشنا ليس مننا ؟

كانت مدوراها يابا ياما هناك و ياما هنا

بس كده .. قربت فـ الصور بكسلت

كنت بعيط و استنيت تطبطب و الظاهر كسلت

كانت شاطره .. ايوه شاطره صدقتها اما مثلت

اتصلت عليها و كانت بتخونني و مش فاضيه فـ كنسلت

فـ حزنت انا .. وقتها .. كل بنت عشانها كرهتها

شغفي اتقتل .. كل بيبان رجوعنا في وشها قفلتها

و ذكرياتنا دلّتها .. الموضوع بالنسبالي انتهى

فيه بنات زي الچوبات بتلف على الصحاب كلها

----

الدنيا كل يوم تتلون زيها زي الحربايه

واخد عـ الحُزن و متعود يعني خلاص مش فارقه معايا

انا ليه هتفائل مش بتحدف كتاكيت الحدايه

مظهرتش على الافيش ولا اسمي بقى في تتر النهايه

--

الدنيا كل يوم تتلون زيها زي الحربايه

واخد عـ الحُزن و متعود يعني خلاص مش فارقه معايا

انا ليه هتفائل .. ما هي مش بتحدف كتاكيت الحدايه

مظهرتش على الافيش ولا اسمي بقى في تتر النهايه

----

بفرح ولا بحزن .. وشي مش بيثبت على ريأكشن

كل يوم بحارب نفسي و جوه دماغي فيلم اكشن

يا عم الحُزن انت اهدى عشان نفسيتي هشّه

حرقوا قلبي حرقتهم و فضلت على قبورهم بتمشّى

شوفت انا كل ما اطلع اغرق بهدى و برجع بزعل

كله مش سامعني و انا بنده

حظي مش عاجبني كل ما افرح ألقى كارثه

كنت غبي لما خدت الشوك و سيبت الورده

كانت بارده و كانت ساكته ..

مطفتنيش دي سابتني انا بولع ..

كما كنت انا برجع بتوجّع ..

لسا انا في مكاني ما بتعتع ..

كنت زمان لوحدي في اخر تخته في اخر الفصل

صاحبي في عز الضيقه سابني و عرفني ايه يعني " قلة اصل "

لو فكرت اني ارجع احكي خيبات الامل تترص

انا في حياتي مكانش ليا دور على طول بطلع كومبارس

هنجح بس لو طبلت الدنيا دي رقاصه

مسمعونيش دول سمعوا حمو الطيخا و عصام صاصا

شهره ؟ .. - متشهرتش .. غنا ؟ .. - مغتنيتش

هنجح ؟ .. - مفتكرش .. ياريتني سكِت و مغنيتش

----

الدنيا كل يوم تتلون زيها زي الحربايه

واخد عـ الحُزن و متعود يعني خلاص مش فارقه معايا

انا ليه هتفائل مش بتحدف كتاكيت الحدايه

مظهرتش على الافيش ولا اسمي بقى في تتر النهايه

--

الدنيا كل يوم تتلون زيها زي الحربايه

واخد عـ الحُزن و متعود يعني خلاص مش فارقه معايا

انا ليه هتفائل .. ما هي مش بتحدف كتاكيت الحدايه

مظهرتش على الافيش ولا اسمي بقى في تتر النهايه