كلمات اغنية حاجات قديمة زياد الدساس 2024

سهرت طول الليل بفكر و التفكير بقى بيتعبني

فكرة انك انتي تروحي مني فجأة دي بترعبني

بقيت متعود اني مهما احب الناس بتسيبني

كتر التفكير هالكني فـ لو عايز تنقذني .. اقتلني

الغلط غلطي عشان كنت الطرف الاكثر حماساً

خوفت تبطلي تحبيني .. طلعتي محبتينيش اساساً

وريتك كل الحب و شوفت منك بس بكاسه

و انا اللي غلطت في كل حاجه و انا برضو اللي قتلت موفاسا

محتاجك .. بالرغم ان حضنك سلك شائك

وثقت فيكي بجد عمري في مره ما كنت شاكك

ازاي تسيبي ايدي و افضل برضو فيكي ماسك

كنت بقول عليكي " توكسيك " و طلعتي موقف تكاسك

نسيت مين حبيبها و مبقاش الحنين جايبها

صدقت ناس كارهينها في وشها بيعملوا حبايبها

و انا جتلي الف فرصة و برضو مهانش عليا اسيبها

راحت اهي لـ صاحب نصيبها و بكرة يخونها و يعذبها

حاجات قديمة ذكريات آليمة

بحب في ناس لئيمة و في دقيقة انا برجع وحيد

حاجات قديمة .. حب جابلي قلة قيمة

مفاضلش فيا حاجه سليمة انا محتاج تجديد

انا في متاهه .. ندهتني النداهه

بفرح حبه و احزن ياما بجد الدنيا دي خداعه

سندريلا .. طلعت بني ادمه ماديه و بياعه

و روبانزل مش بتنزل حجتها ان امها حابساها

انا في مهالك .. وحدي ببكي على كوبري الزمالك

ملعون قلبي اللي ندالك و اختار من دنيته و ادالك

حبيتك ليه و ليه بحارب كل الناس عشانك

مكانتش روبانزل .. شعرها بيقتل مش بيعالج

بسهوله سيبتي .. كرهتي غيرتي فـ غيبتي

من اللي شوفته منك انا مكسوف اقول " كانت حبيبتي "

جيبتي سيرتي و فيا عيبتي و قولتي انك يا عيني تعبتي

من حبي فيك يا جاري .. انا عزلت من منطقتي

قالتلي " مش هنكمل انا مبقتش قادره "

و بعد فترة هو سابها و اهي عادت مُعتذره

من بعد ما كنتي علاجي بقيت بلف عـ الدكاتره

كنت جمبك قبل الكل انا كنت الكل لو انتي فاكره

حاجات قديمة .. ذكريات آليمة

بحب في ناس لئيمة و في دقيقة انا برجع وحيد

حاجات قديمة .. حب جابلي قلة قيمة

مفاضلش فيا حاجه سليمة انا محتاج تجديد