كلمات اغنية حب بالاكراه زياد الدساس 2023

خليتنا صحاب و اخوات زي ما كنتي عايزه

و اديني كل يوم بتأذى و قلبي مصاحب نغزه

و اه لا مؤاخذه .. انا في نظرك كده بقيت مهزق

عشان رجعت اتكلم تاني بعد ما قلبي اتمزق

مش عايزه نرجع .. ولا انا هبقى ام عيالك

كل الحب ده كان حقيقي فعلاً بس في خيالك

انت اتعشمت فيا زياده و ياما شغلت بالك

بس انت نسيت حاجه مهمه .. انا مرتبطه .. عقبالك

عقبالي ازاي و انا اصلاً مبقاش فيا مشاعر

كل مشاعري انا اديتهالك و انتي مقدرتيش في الاخر

فضلت بعافر .. و اتاريني كنت بـ قلبي بتاجر

بحبك بس تاعبه قلبي زي السجاير

طالما تاعباك ما تبطل انا مش فارق ليا حبك

كلهم قالولك " ولا بحبك ولا هحبك "

و انت فضلت تعاند نفسك تستاهل كل اللي حصلك

انا مرتاحه ان احنا بعدنا و عمري في يوم ما ارجعلك

غلطان عشان كل اللي راميني فضلت بجري وراه

كنتي فين يا لا لما انا قولت اه

كان حب ده ولا خراب ادينا رجعنا اغراب

حبيتها بجد بس ده طلع حب بالاكراه

ازاي كان مستنيني احبه و افضل اجري وراه

و انا موافقه غصب عني لا انا حباه ولا انا طايقاه

لا نفعنا نبقى حبايب ولا هننفع نبقى صحاب

ازاي حبتني اصلاً ده مفيش حب بالاكراه

الحل عندك .. ما انا قلبي عندك

زي ما عرفتي تسيبيني ارجوكي تنسيني

انا مش بعاندك .. ولا قاصد حتى اضايقك

زي ما بطلتي تحبيني بطلي توحشيني

الحل عندك انت .. اكرهني بـ اي حجه

زي اني كرهتك .. زي اني اصلاً مش بحبك

و ان كان عـ العشره .. فـ لو عليا خلاص نسيتها

كنت معاك عـ الحلوه بس مش هقدر اكون معاك فـ الشده

و متعملش فيها حزين .. مش هيرجعني الحنين

انا بس سمعت كلام اهلي عشان كانوا موافقين

مش عشان عايزاك انا كنت بجرب بس محاوله

لكن فشلت بجد حبك كان محاوله فاشله

و انا ذنبي ايه اني اتعشم و اضحك للحياة فـ تكشم

حبك اللي كان منور قلبي بقى يعتم

مش هعرف اكتم حزني هكتب حزني بعد ما روحتي

ولا عرفتي تبقي حبيبتي ولا انا عرفت اشوفك اختي

ازاي كان مستنيني احبه و افضل اجري وراه

و انا موافقه غصب عني لا انا حباه ولا انا طايقاه

لا نفعنا نبقى حبايب ولا هننفع نبقى صحاب

ازاي حبتني اصلاً ده مفيش حب بالاكراه

غلطان عشان كل اللي راميني فضلت بجري وراه

كنتي فين يا لا لما انا قولت اه

كان حب ده ولا خراب .. ادينا رجعنا اغراب

حبيتها بجد بس ده طلع حب بالاكراه