كلمات اغنية حكايتنا خلصت 2 زياد الدساس 2023

حكايتنا خلصت 2

حكايتنا خلصت بح .. كان عقلي صح

لما قاللي اني ابعد عنك قبل ما تسيبيني في لمح

الفرح في قلبي شح .. مش لاقي فرح

مخلتنيش اني امشي ايديا فاضيه اديتني جرح

انا روحي رياضيه .. ولا هزعل ولا اقول " مؤذيه "

الدنيا كتير ياما هدت فيا و لما انتي جيتي كملتي عليا

و اخرتها اني فضلت اكدب اقول " كارهك " مع انك فيا

قلبي عندك .. فـ ياريت ترجعي الهديه

مش عارف افوّق .. قلبي الابيض بقى يغمّق

لما سألتها " خونتيني ؟ " مقالتش لا دي كانت بتـلألأ

و انا مش بجزأ .. صونتها و كانت حابه تتهزق

كانت عايزه شاب توتو يسيبها باللبس المحزق

قلبي اتمزق .. بس عشان هي متزعلشي

مش عارف افرق مين كارهني و بيضحك في وشي

لو كنت مدقدق .. مكنتش اصدق لما تغشي

و متقلقشي .. مش هرضى تعاني بعدي اتفضل امشي

فيه بينا عِشره و دم فـ انا مرضيتش تشيلي الهم

مستنيتش انك تهتمي عشان كنت انا قبلك بهتم

حياتي بعدك غم .. و جرحي لسا ما لم

كنتي اهم شئ في حياتي و انا مكنتش الاهم

مش عارف اعيش ولا احب خلاص اصبحت جثة

جرح قلبي صعب يتخيط يا رابع غرزة

علاقتنا 4 شهور و الحب مش بالمدة

كل شويه تحبي قلبك ده غلب جعفر العمدة

بس كده .. كده خلاص .. ضربتين توجع في الراس

علمتني معنى الغدر و انا اللي معلمها الاخلاص

على فكره لسا بتوحشيني انا هجّاص

سيبتك قبل ما تسيبيني كلامك كان في قلبي رصاص

اللي بعده .. مين تاني ناوي ينسى وعده ؟

مبقتش عارف احس بـ حد كل مشاعري اتهدوا

و الفرح بقى عـ القد .. عايز افرح لو سمحتوا

قولت : هتفضلي جمبي ؟ .. قالت : وعد .. نرجع ؟ .. - لا مش وقته

وقف .. كنت انا في العلاقه مستنزف

حبها كان حكم بالاعدام مكانش حكم مخفف

وقت ما كنت بحزن كانت تستهزق بـ احزاني و بتسخف

و اديني في حفله و هي وسط الفانز واقفه تسقف

لسا الدموع بتسيل من العين .. انا ببالين

وحشتني بس مش هرجع انا بقيت بين البينين

سواء ان رجعت او فضلت بعيده لوحدي في الحالتين

كل الاحبا اتنين اتنين .. و انت يا قلبي حبيبتك فين ؟

زمانها عايشه اكيد زمانها بتحتفل بالعيد

داريت كتير عـ الشمعه و كانت بتطفي مش بتقيد

زمانها عايشه اكيد زمانها حبت حد جديد

لما شوفتك من بعيد قولت " الحمد لله اني بعيد "

القرب مينفعناش لا ده هيفضل يتعبنا

انا و قلبي مقصرناش و جيبنا في اخرنا و صبرنا

و ادينا مرتاحناش .. ولا رجعنا ولا بعدنا

كل يوم انا بلعن قلبي عشان بيضعف و يحنلها