كوبليه ما هي كلمات اغنية رجعت لوحدي زياد الدساس ...؟
تاريخ طرح اغنية زياد الدساس الجديده رجعت لوحدي
٢١ فبراير ٢٠٢٢
كلمات اغنية رجعت لوحدي زياد الدساس 2022
كل اما اجرب اهرب قلبي بيرجعني ليكي
كل اما اقرر انسى بنسى و برجع افكر فيكي
كل ده و مش مكفيكي .. كان ناقص تكفنيني !
بالغالي انا مشتريكي و إنتي بالرخيص بيعتيني
قوليلي ليه سيبتيني ؟ .. قولي سبب واحد حتى
قوليلي البُعد ده غصب عنك و انا هعمل مصدّق
اكدبي و قولي اي حاجه بدل ما انتي ساكته
عاجبك حالنا .. بعد الحب ده كله ازاي نتفرّق ؟
سامحتك بعد غلطك ما انا غلطان مبتعلمشي
الدمعه نزلت مني غصب عني فـ قولت اداري وشي
كان صعب عليا ابيّن اني تمام و ولا شاغلني
و يعِز عليا اكون بموت عليكي و اقولك " امشي "
بقيت بـ ألف حاله و عايز اموّت نفسي حالاً
مش مُستقر فـ حبه احِن و ألعنك احياناً
اتحديت كل اللي قاللي " هتمشي " و قولت " بُعدك استحاله "
بفتكرك رجعتي كل ما تتبعتلي رساله
----
رجعت لوحدي و إنتي ارتاحتي بعدي
كل النهايات بتزعل بس محدش زِعل قدي
مش عارف افرح ما إنتي كنتي سبب سعدي
لو كان يهمك يعني ايامي بعدك مش بتعدي
طال الغياب .. و اتقفل باب العتاب
لسا لـ عيونك بشتاق قلبي حَن و عُمره ما تاب
فيا كلام لو اتحكالك مش هيكفي 100 كتاب
بتمطوح و اطلع من اكتئاب و اخش في اكتئاب
و اديني عايش .. لكن قلبي مات من بدري
حسيت على دمي .. مبقتش اطلب منك تهتمي
و مكانش ذنبي .. إن إنتي تبقي بعيده عني
مرضيتش ازعلك فـ اخترت اني ابقى مخبي همي
كنت شايفك غاليه .. كنت انا شايلك في عينيا
كنت انا بستقوى بيكي بس إنتي استقويتي عليا
كنت انام و اقوم اقول " يارب اجعلها ليا "
و اتاريكي طلعتي ابتلاء و طول الوقت انا بدعي عليا
شوفتي الكوميديا ديا ؟ .. فضلتي عايشه فيا
كنت بحوّش طول الشهر عشان اجيبلك هديه
كنت بموت من البرد و كنتي بـ چاكتي متدفيه
اديتك كل الورد و اتبقالي الشوك في ايديا
----
رجعت لوحدي .. و إنتي ارتاحتي بعدي
كل النهايات بتزعل بس محدش زِعل قدي
مش عارف افرح ما إنتي كنتي سبب سعدي
لو كان يهمك يعني ايامي بعدك مش بتعدي
اغنية رجعت لوحدي زياد الدساس 2022 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٢١ فبراير ٢٠٢٢ كوبليه كلمات اغنية
- كلمات : زياد الدساس
- الحان : زياد الدساس
