كلمات اغنية روبانزل زياد الدساس 2023

قلبي عاصي بس جمال عينيكي كفيل يجعله يهتدي

حب ملوش أول ولا أخر حبك كان حب سرمدي

اجمدي .. بلاش تنخي و تسيبيني في حربي

بتمنى تكوني ليا و مني خليهالي يا ربي

مليش انا غيرها بس .. في عينيها نور الشمس

بـ كلمه منها بـ همس .. بحس قلبي ليها وحدها ممنوع اللمس

حبك بالنسبالي دَخلة عيد على ناس صايمين

بقى حد يبقى معاه ملاك و يبص لـ بني ادمين ؟

يا بنت الناس .. يا اغلى من الياقوت و الماس

قلبي قبلك ياما اتداس .. و صحيتي فيا الاحساس

لو روحت لـ فين بتحسي بيا و عارفه خط سيري

بتمنالك الخير و برضو يارب لا تهنيها من غيري

ما انا من غيرها مش مرتاح .. و عمري في يوم ما ارتاح

قفلت عليكي قلبي بـ 100 ترباس و رميت المفتاح

و الله ما يسوى .. اعيش الدنيا دونك و الله ما يسوى

ضعفي قصاد جمال عينيكي بيبقى في حد ذاته قوه

لو كنت في يوم مريض فـ قربك هو الدوا

انا بيكي سعيد و اتمنى نكمل 100 سنه سوا

نِفسي نكمل و عشانك دايماً مستعد اتحمل

مش هلاقي حد زيك بعشق ضحكتك يا روبانزل

حضنك دفا .. قلبي كان يساع بنات و بيكي اكتفى

لما انتي جيتي الفرحه جت معاكي و حزني اختفى

مهما نغيب هتحني ما انتي مني وجودك بيطمني ..

وحشتني يا جني البعد عنها هيجنني

ملعونه هَالمسافات ليش بتفرِق بيني و بين حبيبي ؟

وجودك مثل الضَى حياتي تضلم اذا تغيبي

هَالدنيا ما بتحلى الا بيكي ما ابغى اعيش بدونك

اذا كان الحب جنون .. راح اضل انا مجنونك

حياتي بيكي تحلو .. ضحكتك بتحلي الجو

حبك عوضني عن احباب زمان و طلعوا سو

و انا مش مهتم .. كام مره قبلك قلبي اتخم

بس اللي عارفه لو خسرتك هبكي بدل دموعي دم

بعدك هبقى هالك .. اي حاجه عايزاها انا هبقاهالك

محدش يملى مكانك يا ام روح و مالك

اتبقى الزين و راح الشين .. انا بدونك لا شئ

المره دي بغني عشانك مش عشان شهره و كام شير

لو كنت في يوم مريض فـ قربك هو الدوا

انا بيكي سعيد و اتمنى نكمل 100 سنه سوا

نِفسي نكمل .. و عشانك دايماً مستعد اتحمل

مش هلاقي حد زيك .. بعشق ضحكتك يا روبانزل