كوبليه ما هي كلمات اغنية روحتي فين زياد الدساس ...؟
تاريخ طرح اغنية زياد الدساس الجديده روحتي فين
٠٦ نوفمبر ٢٠٢٥
كلمات اغنية روحتي فين زياد الدساس 2025
روحتي فين
لسا فاكر كل حاجه و فاكر ذكريات زمان
بُعدك حلاكي اما انا كل اللي شافني قال " بهتان "
بكرة هتتجرحي ما انتي عارفه كما تدين تدان
جمبك حسيت بـ آمان بعدك مرعوب
معرفتش ابطل احبك كان حبك زيه زي الادمان
" بحبك " .. " و انا كمان " كلامك كان ألحان كمان
معرفتش ادعي عليكي اما سمعت انا صوت الاذان
عشان حبك كان ذنب انا بدعي اتوب
لسا فاكر .. انا امتى هنسى ؟
كل اما بفرح .. بلاقي كارثه
مش لاقي مطرح .. مش عارف ارسى
قلبي الابيض ده اللي جابلي الوكسه
كما كنت بحاول ارجع انا مش طايقك ولا عايز اسمع
بقف عـ المايك ببدع بس بالليل بنام مدمع
اصبحت عجوز و ضهري مهكع .. كله في قلبي بيتسكع
قلبي بيموڤ اون في ثانيه خلاص بطلت اتلكع
اخبي ليه .. ما الدمعه باينه جوه العين
بعدتي ليه .. و كلمة " آسفه " اصرفها منين !
عايزك بس مش هرجعلك انا بقيت ببالين
قولتيلي " هفضل جمبك " .. دلوقتي روحتي فين ؟
مبروك عليكي .. الدبله شكلها جميل في ايديكي
ازاي كدبت عليا عينيكي ؟
ازاي قسيتي .. و ازاي بسهوله نسيتي
طلعتي للايجار و انا كنت بقول عليكي بيتي
بالاجره .. و شكراً .. كسرت وراكي قُله
بقولك .. مش هروحلك .. حبك ده انا هنساه بكره
لو قُربك .. زي بُعدك .. من غيرك دنيتي فُله
قفلت الباب و رميت مفتاحه كمان كسرت الاوكره
كانت جمبي في صورنا و دلوقتي في صورها بقصقص
حزنت و جتلي على احزاني تترقص
مكملتش بوجودها فـ انا من غيرها اكيد مش هنقص
معجبتهاش بجد عشان معرفتش ابقى محرص
فركش .. ملكك مات كش .. يا حزن ما تكش
كنت صاينها و للأسف كانت بيتش
بقول مبفتكرش عشان بجد متستاهلش
عشان جدع و راجل في النهايه انا متحبيتش
اخبي ليه .. ما الدمعه باينه جوه العين
بعدتي ليه .. و كلمة " آسفه " اصرفها منين !
عايزك بس مش هرجعلك انا بقيت ببالين
قولتيلي " هفضل جمبك " .. دلوقتي روحتي فين
اغنية روحتي فين زياد الدساس 2025 بالكلمات مكتوبة كاملة من كلمات زياد الدساس والحان زياد الدساس وتوزيع زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٠٦ نوفمبر ٢٠٢٥ كوبليه كلمات اغنية
- كلمات : زياد الدساس
- الحان : زياد الدساس
- توزيع : زياد الدساس
