كلمات اغنية سحر اسود زياد الدساس 2025

الصورة واضحه .. شوفي مين اللي حب و ضحى

كل مرة تغلط اقول هنقطع " صفحه و نفتح صفحه "

متقوليش " بيحسوا بينا " محدش فيهم كان مطرحنا

كل يوم انا بحلم بيها بتحضني في فرحنا

من جوه مكركب .. كلامي حزين و مش مترتب

كنت بكدب كل ما اكتب اني هقدر اعيش من بعدك

انا ضهري اتّب .. لا عليكي ولا عـ البُعد هعتب

نِفسي اساعدك بس خلاص قدرتي تلاقي بعدي سعدك

و اهي جت ساعتك .. خلاص ناسيكي من دلوقت

بس ازاي بقول الكلمه و جوه قلبي دق ؟

و انا مش ده .. لو حتى عرفتي ده و ده

محدش فيهم كان زياد .. زياد ميتنسيش بالوقت

دوري عليا في كل واحد برضو مش هتلاقي

و ده مش غرور بس انا محدش فيهم يملى مكاني

صدقت كل كدبك شيلتك و ده كان من غبائي

شوفتك غير كل الناس و طلعت عيني كانت خدعاني

ليه كنت بمسك فيكي في كل مرة تقولي نبعد

شوفتك حلالي و كنت بصدق عينك لما بتوعد

ليه كنت مستنيكي و مستني إن ايدك تسند

قالوا انك ساحرالي بس طلع سحرك سحر اسود

انا اتخميت .. حبيت و اخلصت و وفيت

و في النهايه لقيت قساوه منها انا اتخضيت !

ده حب ازاي ده ايه .. ياريتني كنت داريت

باسورد فوني عامله تاريخها ازاي بقى اتخطيت ؟

بكدب .. نِفسي ارجعلك بس انا متكتف

كنت طالع بيكي لـ سابع سما و فجأة لقيتني بنزل

قلبي وجعني لما عدت جمبي واحده شبهك

زهقتني قولة " دلدلي شعرك يا روبانزل "

فتحت صورنا .. و شوفت ذكرياتنا

شوفت ازاي كنتي بتحبيني و كنتي خايفه عليا

شوفت ازاي كنتي بتبصيلي و انتي ماسكه ايديا

كنتي بتضحكيلي بس في النهايه ضحكتي عليا

كدبتي و بصدقك .. و الحرب دي في ملعبك

مملكش غير مصباح و قلبي حَب بنت الملك

لسا انا مكتئب .. مش سامعاني مهما اندهك

مع السلامه يا حته من قلبي و كل ما امتلك

----

ليه كنت بمسك فيكي في كل مرة تقولي نبعد ؟

شوفتك حلالي و كنت بصدق عينك لما بتوعد ؟

ليه كنت مستنيكي و مستني إن ايدك تسند ؟

قالوا انك " ساحرالي " بس طلع سحرك سحر اسود