كلمات اغنية سلميلي عليه زياد الدساس 2025

رنيت عليها و نسيت صوتي ..

قولتلها بتمنى انك تبقي عايشه تمام مبسوطه

من وسط كل بيبان الراحه ارتاحتي بس بـ موتي

ايه احساسك و انتي بتبني ليا قبري طوبه بـ طوبه

مريحنيش خالص بُعدها ..

براقبها و بشتاقلها و نِفسي انها توفي بـ وعدها

كان نِفسي بجد افضل جمبها ..

الوعد وقته انتهى و غيري خلاص سكن قلبها

مش عارف انا حبيتك ليه ؟

طب عارفه كام مره انا عليكي بكيت و كنتي فين !

كنتي في حضنه .. و انا مليش حبيب اروحله

غدرك لو كنت شوفته كنت هكدب برضو العين

و انتي فين .. صوتك بقى متغير ليه

متوتره و مهزوزه فيه حد جمبك ولا ايه

خلاص فهمت .. خلاص فهمت و لازم اقفل

بس قبل ما اقفل ابقي سلميلي عليه

صوتك متغير كده ليه ..

فيه حد جمبك ولا ايه ؟

خلاص .. فهمت و هقفل

بس قبل ما اقفل سلميلي عليه

و سلميلي بالمره على ايام ما كنتي في قهره

على ايام حلفتي بـ حبك فيها و بصمتيلي بالعشره

انا اسف جداً بس عندي ليكي اخبار غير صاره

اتعلمت احب نفسي و ايدي اللي بتوجعني اكسرها

اسف جداً .. دي هتبقى اخر مكالمه بينا

عشان بجد تعبنا .. كل الدموع دي تعيبنا

خلصت كده مهمتنا .. و انتهت مهلتنا

رصيدك الحالي لا يسمح بـ استكمال علاقتنا

انتهت كده بح فركش .. غيري في حلمي بينتش

ليه جمبك مفرحتش .. زعلت و مبيّنتش

قولت ابعد مقدرتش .. قولت افضل معرفتش

مُت فيكي انا و معيشتش

حبيتيني ؟ .. ولا انتي اصلاً مش متأكده

وفري كلامك متقوليش بحبك قد كده

ليه سيبتيني .. ليه كنتي بالبعد مهدده ؟

كنت بحبك بجد قوليلي ليه عملتي كده ؟

ليه عملتي كده .. مع واحد حبك كده

كان كل ذنبه انه اداكي .. كل ما عنده خلاكي

اغلى ما عنده في الاخر تبقى نهايته كده

فرحانه .. باللي جمبك طبعاً

ما هو زيك و شبهك فعلاً

بكره هيعمل فيكي زي ما عملتي كده