كوبليه ما هي كلمات اغنية طريقي زياد الدساس ...؟
تاريخ طرح اغنية زياد الدساس الجديده طريقي
٠٤ أبريل ٢٠٢٥
كلمات اغنية طريقي زياد الدساس 2025
مفيش ولا حاجه جميله حتى الحب ده بقى يخض
بعد اما فضلت اربي فيها اخرتها فيا تعض !
كل ما اقرب هي تصد و ابعت و اسأل مش بترد
مش دي اللي كنت كل يوم بستنى منها ريكورد
كانت بتقول بتحبني و بتقول عايزاني
كانت بتحلف انها ليا و مش هتبقى لحد تاني
نسيت كلامها فجأة و طلعت اصلاً مش حباني
دي اللي خوفت عليها من الاذى و كانت اكتر حد اذاني
تصدق ! .. ده انا كنت بخاف من نفسي عليها
كنت بحارب كل الدنيا وقت ما اشوف دموع في عينيها
شغلت دماغي عـ الكل و كنت معاها عبيط و خيبه
قراية الفاتحه دي كانت على قلبي اللي اتقتل بـ ايديها
يارب اوعدني بـ نعمة النسيان ..
بعمل ناسيها و افكر فيها و اشوفها في كل مكان
بعدها محسيتش بـ آمان ..
مهما اقولك مش فارقلي هكون كداب انا زعلان
انا في طريقي .. و انتي في طريقك
مش عايز منك حاجه تاني روحي الله لا يسيئك
بكرة الليل يجيبك و يفكرك مين حبيبك
الطفل اللي كان في حضنك بقى راجل و خلاص هيسيبك
انتي في طريقك و انا في طريقي
وفري كلامك انا خلاص مش هسمع حاجه ليكي
مش عايز اسمع سيرتك مبسوط عشان خسرتك
قوليلهم اني سيبتك و اكرهيني الله يخليكي
بيعتيني ببلاش مع اني قولتلك بلاش
خدت الصدمه .. دي اكبر صدمه بجد منسهاش
و نظرات الشماته من اللي يسوى و ميسواش
كان لازم بعد ده كله امشي و انطر ابلكاش
جرحي مبيهداش و اشوفك من بعيد و اراقبك
بقيت بتعاير بيكي لما اقول " انا لسا حَبك "
عمرك يوم ما هتنسيني عشان ذنبي في رقبتك
مش مسامحك ولا هسامحك لسا معلم فيا جرحك
يا ضي العين متغيبش ..
مستغرب بعد كل اللي انا عملته ده متحبتش
متطبطبيش عليا و متقوليش " معلش "
كتبت ليكي 100 رساله و برضو متبعتتش
مش هسألك " سيبتي ليه ؟ " علشان عارف سيبتي ليه
سؤال في دماغي كل ليل " هو انا كان ناقصني ايه ؟ "
و اللي حَبوا و اللي اتحبوا دول كانوا احسن مني في ايه ؟
قلبي كان على تكه .. و اديكي خلاص كملتي عليه
انا في طريقي .. و انتي في طريقك
مش عايز منك حاجه تاني روحي الله لا يسيئك
بكرة الليل يجيبك و يفكرك مين حبيبك
الطفل اللي كان في حضنك بقى راجل و خلاص هيسيبك
انتي في طريقك .. و انا في طريقي
وفري كلامك انا خلاص مش هسمع حاجه ليكي
مش عايز اسمع سيرتك .. مبسوط عشان خسرتك
قوليلهم اني سيبتك و اكرهيني الله يخليكي
اغنية طريقي زياد الدساس 2025 بالكلمات مكتوبة كاملة من كلمات Zeyad El-Dassas والحان Zeyad El-Dassas تم طرح اغنية زياد الدساس الجديدة على القناة الرسمية على اليوتيوب بتاريخ ٠٤ أبريل ٢٠٢٥ كوبليه كلمات اغنية
- كلمات : Zeyad El-Dassas
- الحان : Zeyad El-Dassas
