كلمات اغنية فرحه زياد الدساس 2020

فرحه 

بحبك .. هتفضلي دايماً مني و هفضل منك

لو خوّنت كل الناس لازم إنتي بس أأمنلك

و أميل لك , و أكتبلك ياللي بقيتي نقطه ضعفي

لو كل الدنيا كانت ضدي إنتي بتُقفي في صفي

هغنيلك و احكيلك ايه جمالك مش هيتوصف

احكيلك عن لمستك ولا عينيكي و جمال ضحكتك

مع بعض نكمل لو زعلتك بفتكر حُبنا

متتوصفيش بـ كلام ياللي إنتي ملاك و مش زيّنا

مفرحتش إلا و انا في حُضنك و نسيت إكتئابي

بقيتي كل الناس , بـ إختصار بقيتي كل احبابي

يا كل حياتي , يا عمري الآتي , يا اخرة صبري

اسهر لـ مين لو غيبتي عني مليش غيرك يا قمري

مَبغى شي سواكي بـ قلمي هحارب جيش و هوصل ليكي

عارف إنك سامعاني حالاً و الكسوف ماليكي

انا هفضل ليكي .. و حياتي إحلوِت بس بيكي

إبنك و ابيكي , و مهما بيعت الدنيا بس ابيكي

عينيكي حِلوه .. متتوصفش بـ غنوه

النظره في عينك بحر و انا غريق مش هنجى منها

صوتك زي لحن كمانجه او معزوفه ناي

بتوحشيني حتى و انتي معايا متسألينيش " إزاي !؟ "

اصبحت اعمى , و عيني متبُصش لحد غيرك ابداً

" إن قلب احَب قلباً , لا تُبصر العَين عيباً "

" بياع كئابه " لكني فرحت بـ ضحكتك يا جميله

هنفضل سوا و اي حاجه مع بعض نعديها

----

خوفت اتكلم عنك احسد نفسي غصب عني

ما انا لو مش هغني ليكي ايه السبب في إني أغني

و انا عارف اني مش هعرف اوصفك بأي كلمه

ربك بيعوض , و وجودك في حياتي نِعمه

----

مهما الِف و اطوف مش هلاقي زيك مهما اشوف

مش هتفرقنا ظروف , حبيتي " زياد " مش " دساس " سامعينه ألوف

حياتي كانت غَبره , و وجودك نورها

حبيتك من قلبي و اي حد قبلك كان مُجرد فتره

و من النهارده مليتي عيني و قلبي بـ " فرحه "

لم و لن ارى سواكي , و مش هيهون عليا اني ارحل

يا حياتي الجايه .. إنتي الحاجه الحِلوه الوحيده فيا

انا لما ببُص في عينك ببقى فرحان تلقائياً

بالرغم من إني كئيب يعني , و قلبي بيوجعني

و كل الناس بتبيعني , فجأه انا لقيتك شارياني

انا عيشت سنين مستني اقابل حد زيك زيي

دايماً مهما احكي بتسمعني معاكي تاهت كل احزاني

خليكي متبعديش خليكي , مش هعرف اعيش من غيرك

هرجع حزين لو اتحرمت من نظرتي في عينك

و الله إشتاقت .. مهما عدى الوقت بتوحشيني بجد

يرضيكي تغيبي في غيابك كل حياتي هتسود

----

شوفي .. انا مهما حكيت كل الكلام يعجز قدامك

و مهما كتبت عنك مش هوصفلك قد ايه بحتاجك

و حياتك , لو عايزاني سعيد عشاني مَتدمعيش

مُتّ فيكي فـ عيشتي فيا , فـ موتي فيا عشان اعيش