كلمات اغنية قلة الاهتمام زياد الدساس 2022

مبدأياً كده انا مش هقول غير الحقيقه

كتبتلك رساله و بكرة هتفتحي و تقريها

كل لحظه اهتم بيكي و بحبك في كل دقيقه

و إنتي ولا على بالك اصلاً اي حاجه من اللي فيها

انا قولت " بكرة هتتعدل " و بكره ده مبيجيش

استنيت لو حتى كلمه حلوه منك مبلاقيش

و متخافيش .. مخونتكيش ولا بصيت بعيد

غيرك مليش .. و كل ما اشوفك احبك من اول جديد

و صح كل كلامك صح .. جمبك بحس بـ فرح

كان نِفسي تفهميني بدون كلام او شرح

كلامي كان على طرف لساني و مع ذلك منطقتش حرف

خوفت من الرد او تبصي ليا بنظرة عطف

فـ سكت .. عيونك خمره و انا سكرت

حلمت انك حاضناني فـ فرحت و صحيت برضو في نص الحلم

نحس في كل شئ عرفت .. و في حياتك مجرد Guest

و دي عاشر رساله اكتبها ليكي و برضو مدوسش Send

----

مبقتش عارف انام .. بجيب سيرتك في كل كلام

نِفسي بجد اقول " تمام " و انا فعلاً من جوايا تمام

ده تأثير الكِتمان انا كل ليله في انهزام

محدش حاسس قد ايه بتتعب قلة الاهتمام

بكتبلك .. ياللي قلبي كله اصبح ملكك

فهمتك انك مهما تيجي عليا هفضل احبك

تجرحيني و برضو بحبك تظلميني و برضو بحبك

انا كان نِفسي بس احس انك حَباني زي ما بحبك

بـ رضاكي بقى او غصب عنك انا مش هقدر اسيبك

لو بعدنا الشوق هيجيبك ما انتي نني عين حبيبك

يشهد ربي عليا بـ اني شاريكي و اني بريدك

و اني هضيع لو مني تضيعي ما انا زرعت حياتي في ايدك

يا قمري .. نِفسي احس انك يهمك امري

لو كل الدنيا باعتني عايزك انتي بس في ضهري

عايز انولك بعد صبري .. عايزك تبقي قدري

قلبي هيفضل ينبض بـ اسمك لو ميت و في قبري

ايه العمل .. نِفسي اغمض افتح الاقي الحال اتعدل

انا حزين بشكل بشع بس لسا عندي امل

بعشقك لأخر نفّس .. عشقك غير قابل للبدل

كل جرح يجيلي منك اقول " على قلبي زي العسل "

----

مبقتش عارف انام .. بجيب سيرتك في كل كلام

نِفسي بجد اقول " تمام " و انا فعلاً من جوايا تمام

ده تأثير الكِتمان انا كل ليله في انهزام

محدش حاسس قد ايه بتتعب قلة الاهتمام