كلمات اغنية قهوه ساده 2 زياد الدساس 2020

 قهوه ساده 2 

جيبتوا كل عيوبكوا فيا , و العيوب دي كانت فيكوا

إفتكر يا أخويا انا كنت جمبك قبل ما هما يجوا

إفرح باللمه لما تدمّع مش هتلاقي سندك جمبك

كنت بحكي حُزني فـ إفتكروها حاجه تضّحك

إحكيلهم أسراري , و عيبني في ضهري , و زوّد ناري

مكانش ده إختياري لما سيبت البيت كنت إنتا داري

مكنتيش قاعده معاهم بس بحزن و بتضحكي

انا مفرقتش معاهم بس صعبت عـ القهوجي

روّحت و دخلت أوضتك عيطت و محدش سمعك

إتريقوا عليك و عشان متزعلهمش كنت بتضحك

و ياريتني ما كنت جيت ولا فكرت أنزل من البيت

بقيت بعيط بالنهار و الليل انا هونت عليهم ليه !؟

كل اللي إتريق عليا فاكر دمه زي السكر

تمثيلهم عليا بالجدعنه كان يستاهل أوسكار

إدعيلي مصحاش بكره ضحكوا عليا كإني نكته

كل سنه و انا طيب يلا نطفي شمع التورته

----

كل الأيام متعاده .. كلاكيت لـ دمعه زياده

كنت زهقت من الحكايه ' كيف صارلي كِل هادا !؟ '

بتمادى .. و لما أموت محدش يجي عزايا

تطلب ايه .. إتفضل قهوه ساده

سُك عـ الصحاب انا قلبي خراب في خراب في خراب

تعبت و جرحي عمره ما طاب صحيت من حلمي و كانوا سراب

و كإنك كنت غراب و دفنت أخوك من غير عياط

مكانوش حَبوك و إتعاد نفس المشهد 7 مرات

مزهقتش .. كسروني و علموني و متعلمتش

مبعدتش .. أول ما بدأت أمثِل قالوا " فركش "

بتغابى .. الحُزن نهشني و قاللي " سرقت شبابك "

مع إني جيت لحدك بس برضو قفلت بابك

يعني أموت !؟ .. ده انا لما وقعت محدش فيكوا سندني

قلبي تعبني ليه مرضيتش تسمي .. قبل ما تدبحني

يا عجبي !! .. بقى يعني غلطت لما كنت بسامحك

الحُزن لمحني بجري فـ قاللي " خلاص الفرح سبقك "

طيبتي كانت هبل .. معادش عندي أمل

ولا تقرصيني يا نحله ولا عايز منك عسل

و العُمر عدى و فات انا توهت بين " دساس " و " زياد "

أمنيتي السنه دي يبقى أخر عيد ميلاد

----

كل الأيام متعاده .. كلاكيت لـ دمعه زياده

كنت زهقت من الحكايه ' كيف صارلي كِل هادا !؟ '

بتمادى .. و لما أموت محدش يجي عزايا

تطلب ايه .. إتفضل قهوه ساده