كلمات اغنية كلامي إنتهى زياد الدساس 2020

كلامي إنتهى

إستنيت مكالمه لما كنتى قاعده بترغى مع حبيبك

خليتينى زيك يعنى لو رجعنا هسيبك

" I’m Bad "

كل اللى إتقال عليا إن أنا تمام إشاعات

كفاياكى ضرب فى قلبى ما إنتى عارفه إنه مات

فـ .. كل اللى بينا تحدى إتهدى و هَدى قلبى عنى

حُبك قتلنى و مهما تقابلى بعدى مش هتلاقى زيى

كلامى زعلكوا .. أنا لازم أعيطكوا قبل أما تناموا

لو كلامى وجعكوا أنا أكتر واحد وجعه كلامه

كلامى إنتهى .. مسحتنى و لوّنتها

" وحشتينى " .. يارب كنت أولع قبل ما قولتها

فـ أنا .. كل اللى كان متقاللى إتقال لـ مليون واحد قبلى

و أنا صدقت و مصدقتش إنك متعشمه فى قتلى

ياريتك كنتى فضلتى زى ما إنتى

طالما إنتى مش هتوفى ليه من الأول وعدتى !؟

و رجعتى موّتينى بعد ما بعدك إتولدت

حاسس بـ خنقه و ضيقه حاسس إن أنا بتهد

----

حاسس بـ خنقه و ضيقه .. حاسس إن أنا بتهد

فيه ناس من براها بريئه .. بس من جواها تخض

هو إيه اللى حصل فى الدنيا .. حاسس إن أنا موجوع

عمال بتعذب أنا بنزف من برا و من جوه دموع

----

نزفت دموع .. معادش بينا رجوع

هندور و ندور و نلف و هننسى الموضوع

أنا إتمنيت تدوم .. فضلت أنام و بدعى ما أقوم

حتى اللى كان ما بينى و بينه عيش و ملح إتاكل جوع

مشيت فى شوارع وحدى وقت ما كله كان له رفيق

وقت ما قولتوا " معاك فى الضيق " لقيتنى لوحدى فى الطريق

فـ سهله .. إستنيت لـ وهله لقيتنى بهلك

جرحتنى و هتمشى بسرعه لأ خليك على مهلك

فـ ده .. قال إنه " هيفضل لـ أطول وقت "

قال " مش هيمشى " و أدينى ما لى حد

قالت " حبيتك من قلبى بجد "

و طلع أصلاً ما عندها قلب

كنت هافيه .. جيبتوها فيا !؟

إكتشفت إن كل كلامها مكانش موّجه ليا

مش قولتوا " سندى " !؟ .. أنا ليه دلوقتى لقيتنى لوحدى

صحيت من النوم ببُص مشوفتش حد جمبى

أخخخ .. مكانش ليا أخ و كله عليا

كنت مستخسرك فيا و بعتبرك كتير عليا

----

أنا كنت بعتبرك بجد كتير عليا ..

بس إكتشفت إن أنا اللى كتير عليك ..

و إن إنتا أصغر من إنك تتسلى بيا ..

و أنا كنت نعمه كبيره ضاعت من إيديك ..

----

فضلت فى مُر أدوق .. و أدوب و أقول " هفوق "

حُبك كان خازوق لكنه كان أحسن خازوق

بصراحه .. كان ضربك شديد مفيش براحه

و أنا بعدك كنت أسهر ليالى و عينى ما شافت راحه

كنت أقول " تمام " لكن عينيا كانت فضّاحه

و كنت أنام فى كل أون ذا رن و إستراحه

و أصحى على كام جرح .. باب قلبى إتقفل لا يصلح للفتح

إتغيرت فى لَمح .. معادش فيه حُب تانى خلاص بح

سرحت .. و متهنيتش بالسرَحان و لقيتك

أنا كنت بخلص لك و كان نِفسى إنى أكون عَاديتك

عمرى ما عدّيتك زى ما كنت زمان بعدّى فى غلطك

أنا قلبى إزاز لكن مسلِمش من طوبك و ظلطك

كان نِفسى نرجع .. بشوفك لما ببُص فى عينها

أول ما لمست إيدها سمعتك بتقوليلى " بحبك "

و أنا مش برتاح و مرافقانى أحزانى و تهيؤاتى

لكن بعدك مش هموت بالعكس بُعدك ده اللى حيّانى

----

بُعدك مش هيموتنى .. لا بالعكس ده إنتا حيّتنى

كل حاجه بيك ربطتنى .. خلاص قطعتها

إنتا بجد جرحك ليا .. علمنى معلمش عليا

و وقفنى على رجليا .. خلاص كلامى إنتهى