كلمات اغنية لعبة الصراحه 2 زياد الدساس 2024

 لعبة الصراحه 2

اعاتبك .. ولا عتابي خلاص مبقاش له داعي

كنت ابيع الدنيا عشانك .. كنتي غاليه و ما بتتباعي

انا اللي وهمت نفسي بـ واقع اصلاً مش بتاعي

خلاص مضطر اني امشي مش هتنولي غير وداعي

اسمعني .. اديني فرصه اتكلم قبل ما تمشي

و اوعدك اني بعد كده مش هوريلك وشي

على فكرة كنت واحشني .. و فرحت لما شوفتك

دي كدبه زي اي كدبه كدبتيها و صدقتك

لازم تصدق .. لأني مش بكدب عليك

اصدق ليه .. كل كلامك متفبرك و فيك

كان كله كدب .. و انا صدقتك عشان بحب

بس خلاص ملعون ابوه الحب اللي مخليني تعبت

و الله بحبك .. بلاش في قلبي تجرّح

انتي مش عكازي و لو عكازي انا راضي اني ابقى مكسح

انا هحزن ليه على واحده من قلب لـ قلب بتتفسح

كان معاكي قلبي اعمى بس خلاص الاعمى فتح

كده خلصت .. حقيقتك اتدارت في كدبك

مراية الحب عاميه و انا شوفتك حبيبتي و بنتي

خلاص بجملت .. ما انا مفيش حاجه معايا كملت

اخرتها طلعتي خاينه و اديكي على حقيقتك بينتي

لعبنا لعبة الصراحه و كدبك بان ..

مبقاش ما بينا رجوع خلاص انا قفلت البيبان

سألوني سؤال .. " انت كويس " .. قولت مش زعلان

انتي كدبتي و انا كدبت محدش فينا طلع كسبان

طب عندي ليكي سؤال .. ازاي هكمل الحياه ؟

و انا واحد حَب و اهو اتخان و حبيبته دي طلعت خادعاه

مش عايز حاجه تاني منك .. منك لله

هو انتي ملقتيش غير صاحبي يعني و تخونيني معاه ؟

انا مهونتش على كل الناس و كنت عليكي هاين

كدبك في حبك كان متداري مكانش ليا باين

فضلت بخسر كل الناس و بحاربهم عشانك

لايقين على بعض خاينه و هو زيك برضو خاين