كوبليه ما هي كلمات اغنية مبقتش ملاك زياد الدساس ...؟
تاريخ طرح اغنية زياد الدساس الجديده مبقتش ملاك
٠٩ نوفمبر ٢٠٢٣
كلمات اغنية مبقتش ملاك زياد الدساس 2023
صحيت من النوم بـ رساله منها عامل ايه واحشني
مش عارفه اعيش من غيرك حبك ده اللي بيعيشني
طمني عامل ايه في حياتك لسا بتفتكرني
ولا خلاص قسيت و بقيت كارهني بكل سهوله نسيتني
و استغربت .. لقيتني ولا بحن ولا بحس
ولا فرحان انك رجعتي .. حب ايه دي كسرة نِفس
ولا حسيت بأي حاجه .. غير اني بجد قرفت
مكنتش عارف اعيش بعدها و من قسوتها عرفت
انا مش كارهك .. ما انا لو كارهك هتكوني فارقالي
بضحك من قلبي عـ الرخيص اللي اشتريته بـ غالي
انا بضحك على غبائي و اني كنت عليكي باقي
قتلت انا بـ ايدي اشتياقي و مش هحن تاني
انا مش زعلان .. ما لو زعلت يبقى فيه عشم
و لو كان قلبي اسود كان منك زعل و انتقم
قلبي لـ نصين اتقسم واحد حن و واحد لعن
مبقتش ملاك و الجرح اللي في قلبي خلاص إلتئم
بعد الجرح ده كله طبيعي .. انساكي لما تبيعي
كان حبي ليكي كبير و بقى تحت الجزر التربيعي
بمجرد ما بغني و احكي بتترقص تعابيني
كان تعبك راحه و طلعت راحتك انك تتعبيني
كان عندي حق بجد لما بعدت و سيبتك
و عشان انا طيب منتقمتش منك ولا حاسبتك
مبقتش طايق حد حتى يجيبلي سيرتك
كنتي صفر عـ الشمال و جتلي بعدك ست ستك
انا مش مخنوق .. يومين و اضحك و اروق
حبك كان نار و قلبي اختار يكون مملي بـ حروق
فضلت احارب في الظروف و حلمي بقى مسروق
قلبي اللي ضلم بعدك اتعوض و شاف شروق
بدون تجريح .. كلنا اصلاً مجاريح
نحزن شهور و سنين اما الفرح بقى تفاريح
مبقتش احن بجد كرهتك انا صريح
و ابكي مهما تبكي دموعك دي دموع تماسيح
اغنية مبقتش ملاك زياد الدساس 2023 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٠٩ نوفمبر ٢٠٢٣ كوبليه كلمات اغنية
- كلمات : زياد الدساس
- الحان : زياد الدساس
