كلمات اغنية مجرد كدبه زياد الدساس 2022

ياخي لعله خير لعل كل الصعب ده يطلع سهل

فرحي غاب و حزني هل جرحي زاد و قلبي اتذل

فكرت و تعبت من كتر التفكير ملقيتش حل

قلبك ده وطن متحرر قلبي انا وطن مُحتل

قلبي طب .. ارتاح ازاي قوللي و عرفني طب ؟

كل اما اقول " هتروق و تحلى " اخبط في 100 مطب

مش عارف افرح .. امتى هييجي الفرح يارب ؟

بتمنى هدنه عشان حياتي بقت حرب في حرب

انا امتى ارتاح .. فيا انا هم و ما بينزاح

قلبي قفلته بـ 100 مفتاح .. هذا القلب غير مُتاح

كَل من خيري و برضو جاع حيلي اتهد انا من الاوجاع

الحياة ممشيتش حِبي دي بتمشي بـ لوي الدراع

كله باع ولا حد اشترى اللي انا دلعته عليا اتمرع

قلمي اتبرى و كتب ان الفرح خلاص لـ قلبي اتمنع

الزعل فيا ساكن .. قلبي اتحول اسود داكن

طالما انتوا هتمشوا ليه سيبتوني تفكرني الاماكن ؟

----

فاكرلك .. منسيتلكش لسا اي ذكرى

و بيعتك ما انا مش هقبل اعيش بتهان على فكره

اخرها انا و انت بعدنا و الايام تعبتنا

بحبك طلعت في النهايه مجرد كدبه

طب كنتي قولي كلمه .. ده انا قولت ليكي غنوه

سحرتيني ولا سحرتيلي قتلتيني بـ عينيكي الحلوه

و اتثبت .. مسكت فيكي انا و تبّت

محكيتش عشان مزعلكيش سكت انا و كتمت

طب شايفه ؟ .. لو خايف حتى بطمنك لو خايفه

يا شمسي بلاش تغيبي الدنيا من غيرك جهنم

شكيت بلا فايده و للنهارده انا ناري قايده

و بقى كلامنا " ازيك ، انا تمام تمام ، و يارب دايماً "

ازاي من بعد كل ده ملقاش معايا حد ؟

الظاهر كده انا شكلي نحس من يوم ما اتولدت

الفرحه مش مكتوبه عليا و الدموع مكتومه

لو السما تمطر فلوس هتيجي تلمها الحكومه

مش فنان ولا عندي عربيات ولا حتى بعيش في قصر

اما يقولولك " اذهب للجحيم " قولهم " رايح مصر "

محدش حس بيا عشان محدش كان مكاني

الراب اللي انت كارهه يا ابويا بكره هبني بيه كياني

----

فاكرلك .. منسيتلكش لسا اي ذكرى

و بيعتك .. ما انا مش هقبل اعيش بتهان على فكره

اخرها .. انا و انت بعدنا و الايام تعبتنا

بحبك .. طلعت في النهايه مجرد كدبه