كلمات اغنية محبيتينيش زياد الدساس 2020

مكانش معايا فلوس ولا حاجه غيرك حيلتي

زادت حيرتي , أبعد ولا أقرّب هي دي قِلة حيلتي

صحيح إن جيتي للحق هو عنده فلوس و انا لأ

بس انا كنت معاكي راجل جربي و هتشوفي الفرق

و انا أستحق أتحرق , نجيتك و جزائي الغرق

قلبك كان مشنقه ياريتني ما إتعلقت و قلبي إتشنق

انا إتعميت بعدك عشان ضحيت بـ نظري معاكي

بعد اما إديتك عيني شوفتي غيري , إزاي أقولك فداكي !!

هل كان صحيح !؟ .. و انا هلكان صحيح

معرفتش أصدق كدبك قلبك عمره ما كان صريح

انا كان نِفسي تدومي معايا بس إنتي اللي كسرتي بـ نِفسي

كنت بداري حُزني عشان متزعليش و ولا بتحسي

كنت دايماً أقول كلام جميل لكنك كنتي طرشه

و الدنيا غشيمه مبتسميش و إيدها طرشه

حلمت بيكي صحيت بـ خضه , و في قلبي بـ مرزبه خابطه

" انا أسفه مش هنكمل , حُبك كان مُجرد غلطه "

----

لو بإيدي أصرخ هقول " تعبت " مش هقول " مفيش "

كانت غلطتي من الأول فـ ياريت بقى متعتذريش

قولت " هموت في بُعدك " رديتي عليا و قولتي " انا هعيش "

كنتي زيك زي الدُنيا , حبيتك و محبيتينيش

شوفتك في الصور جمبه , بـ نار في قلبي حرقتي

إزاي ده مش من حقي أغير على حاجه مش بتاعتي !

دموعي ملِت عينيا , و نفّسي يعني بقى بـ عافيه

مجبرتكيش عليا الحُب عُمره ما كان بالعافيه

في داهيه .. لأ إستني شويه , كرهتك .. لأ حياتي واقفه

إرجعيلي و قولي " جايه " .. أعذريني لازم أستغني

إمتى الموت يدُق بابي غُلبت أستنى !؟

" حبيته و محبيتكش " الجُمله لسا في ودني رنه

كنت بخاف و أغير عليكي مني ده كان حُب إمتلاك

قولتي " مش عايزاك , مش هقدر أكمل مع إنسان شكاك "

على فكره البُعد كسّر فينا و عُمره ما كان في صالحنا

و اللي إنتي معاه ده كان زمان على بعض بيصالحنا

بس عادي .. عبيط سمّيتك " أم ولادي "

كُرهك ليا و حُبك ليهِ أحسن هديه في عيد ميلادي

كنت كتير عليكي أنادي .. و قولتي " فكك و إنسى "

قلعت جزمه عشان صغرت عليا و غيري لبسها

----

لو بإيدي أصرخ هقول " تعبت " .. مش هقول " مفيش "

كانت غلطتي من الأول فـ ياريت بقى متعتذريش

قولت " هموت في بُعدك " رديتي عليا و قولتي " انا هعيش "

كنتي زيك زي الدُنيا , حبيتك و محبيتينيش