كلمات اغنية مسقط رأسي زياد الدساس 2021

قلبي بيحن لـ دُعامه , حُبك كله كان دُعابه

كل ده هيعدي .. كله عدى على قلبي بـ دبابه

بـ ايه بتتباهي .. حزين راح فين حِسي الفُكاهي !؟

داري مهما تداري ياما بان تحت السواهي دواهي

لقيت بنت الحلال تشبهني .. اما إنتي انصحك تنسي

الفرق بينك و بينها نفس الفرق ما بين متعب و ميسي

محققتش أهدافي و يوم ما احقق كان في فريقي

اتصدمت فيكي زي صدمتي إن سبايدر مان مش حقيقي

ولا كنت مجنون ليلي ولا چوكر بحن لـ سلمى

الحظ لما خبط بابي كنت انا بستحمى

روح متعطلناش .. مدّي طناش صوننا و مصاناش

قولنا " هنبطل سجاير " .. بطلنا نقول و مبطلناش

شربوني ليه .. اديني عيطت و بوّخت القاعده

طلبت مساعده لقيت الحُزن ايده مده

حزين من مُده .. بنات سابت رجاله و حَبّوا الماده

مفيش موّده .. نيمت في امتحان حياتي و شيلت الماده

----

هُنا مسقط رأسي بسقط كل ما اصدق حظي

الدنيا عالمه قالتلي نقطني ما رقصت و عجبك رقصي

تفكيري نقطني , بفكر في اللي يزعلني و انسى اللي بسطني

هجّاص بقول " هنساك " و برجع ليك و اقول " عيطني "

مش باكي .. مش هتشير لو عجبك تراكي

زيك زيها معجبتهاش ما هو اكلها في كنتاكي

فـ .. ايه بحزن ليه , صنعوا من أحزاني إفيه

كده 100 نغزه في قلبي مين يزود ألا اونا ألا دو ألا تريه

بعيد حساباتي و مش حاسبهم .. هاخد حقي و مش هسيبهم

لو مش عاجبهم .. بكره انا بـ أحزاني هجيبهم

من غير ما افكر .. انا دايماً نحس و حظي دكر

بكره هشوف كل اللي سابوني ماسيدچاتهم موجوده في الـ Other

شوفتك ملاك شكيت في عيني و روحت كشفت نظر

عن حُبك صرفت نظر إبليسه بتتدارى في شكل البشر

و بدون وداع .. صنعت من الأحزان إبداع

شاكر عـ الاوجاع .. مش هعجب هاني شاكر و بتاع

كله في السكه الشمال إتجر .. انا فرحي خيط و إتكر

الحال ما صر .. مشكلتي الوحيده إن انا في مصر

و مش هتغر بكل فخر مش هعجب حلمي بكر

مش لاقيلي بر , حلم الناس حياه و انا حلمي قبر

----

هُنا مسقط رأسي .. بسقط كل ما اصدق حظي

الدنيا عالمه قالتلي " نقطني ما رقصت و عجبك رقصي "

تفكيري نقطني , بفكر في اللي يزعلني و انسى اللي بسطني

هجّاص بقول " هنساك " و برجع ليك و اقول " عيطني "