كلمات اغنية مفيش رجوع زياد الدساس 2024

انا مش جاي عشان اعاتبك .. ولا عـ البعد احاسبك

بس انا صعبان عليا انك تقوليلهم اني سايبك

ليه بتقوليلهم اني سبب همك و اني تاعبك ؟

ما انتي عارفه مين فينا اللي تبّت و اللي ساب و اتلكك

ده انا لو كنت وسط زحمه كنت بسمع همسك

ده انا لو كنت القاكي سايبه كنت فيكي بمسك

ده انا اكتر حد سندك وقت زعلك خفف زعلك

ازاي بسهوله تبيعي اكتر واحد حبك

بصراحه .. انا مليش ذنب في جراحك

جمبك انا عيشت في عذاب و اديني اخترت الراحه

بقيت مرتاحه .. مش فاكراك ولا حتى بحن

خلي عندك دم و بطل تتصل و تزن

رجوعنا ده ايه ؟ .. احنا الحل لينا البعد

بتحاول في ايه ؟ .. فوق احنا مننفعش لبعض

مش هينفع نرجع .. عشان خلاص انا قررت

حلك من حكايتنا و اسكت .. انا خلاص صدعت

انا اللي تاعبني و مغلبني مش انها تسيبني

انا اللي تاعبني انها هدت حلمي و مع غيري بتبني

ابعد بقى و سيبني انت كلامك مش فارقلي

مش هتأثر فيا .. ولا هحزن ولا هتندمني

مفيش رجوع .. باب الرجوع اتقفل

ازاي هتصحى قلب اصلاً مش عايش و اتقتل

رديت و قولت " انا اللي بعدت " لما كله سأل

و مقولتش انك بس مشيتي علشان حاسه بملل

الايام بتلِف .. و جرحي مش بيخِف

و دموعي بتنزل من عيوني و مبترضاش تجِف

بقيت بفتكرك طول الوقت و الشريط بيسِف

و قلبي بعدك انا خلاص قفلته بـ ألف قِفل

ياما عشانك حزنت و ياما بكيت بس ما بيّنت

مش هقدر انسى كسرة قلبي لما قولتي " زهقت "

ولا هقدر انسى ان انا عليكي راهنت و اديني خسرت

اصل انا شوفتك حياتي و هما شافوكي مجرد بنت

" انساني " .. انساكي ازاي قوليلي انساكي كيف ؟

ما انتي عارفه الكيف بيذل و حُبك ده اصعب من الكيف

كل اللي فات كان كدب يعني .. كان كله زيف !

انا كنت صاحب بيت ازاي دلوقتي اصبحت ضيف ؟

لسا بلمحك كـ طيف .. و بشوفك في كل مكان

كنتي في كفه و كل الدنيا في كفه و كسرتي الميزان

و انا عـ الحافه و قلبي استكفى خلاص من الاحزان

انا طمنتك و انتي خايفه و سيبتيني لوحدي انا قلقان

انا اللي تاعبني و مغلبني مش انها تسيبني

انا اللي تاعبني انها هدت حلمي و مع غيري بتبني

ابعد بقى و سيبني انت كلامك مش فارقلي

مش هتأثر فيا .. ولا هحزن ولا هتندمني

مفيش رجوع باب الرجوع اتقفل

ازاي هتصحى قلب اصلاً مش عايش و اتقتل

رديت و قولت " انا اللي بعدت " لما كله سأل

و مقولتش انك بس مشيتي علشان حاسه بملل