كلمات اغنية ملاك زياد الدساس 2021

ليه قربنا .. مش كان البُعد انسب حل ينفع

طب قلبي اللي مات من بعدك يعني هل هيرجع

طب كلامك اللي وجعني و خلى نار في قلبي بتولع

طبيعي تعيشي بعدي و تنسي كل ذكرى ما بينا

فاكر كل كلمه و فاكر التفاصيل بالظبط

و بصراحه انا اتنسيت بسرعة جداً صد رد

فاكر كام مره معاكي حزنت و زعلت و عيطت

و فاكر حتى لما كُنا انا و إنتي بنلبس زي بعض

و المره دي .. معرفتش انسى اي شئ من الماضي

جتلي الف طريقه انتقم بيها و انا مكنتش راضي

عايش عشان اشوف احلامي بتتسرق قصادي

غيري خد مكاني عندك ليه مكانك عندي فاضي ؟

كانت ممكن تخلص بالتراضي مش تخوني ..

صدقت قلبي بس ازاي اكدب عيوني !!

و انا مش هخبي اللي انا حبيتهم كلهم كرهوني

كنتي في عيني ملاك لكن دلوقتي خابت كل ظنوني

ملاك ده كلام يبان للناس

حقيقتك باينه في عيوني

اكمل ليه بـ اي اساس

فيه غيرك ناس يحبوني

كلام في كلام طلع اوهام

و خابت بعدها ظنوني

خابت كل ظنوني .. مبقتش اصدق حد ابداً

مبكملش يومين فرحان و برجع تاني بحزن

حتماً و لابُد انا مش ولابُد مهما قولت " احسن "

وقت اما قالولك " مُت بعدك " قولتي " يارب دايماً "

من الاخر .. رجوعنا لبعض خلاص معادش نافع

و الله لو ما كنتي خونتي كنت راجع

كل اما الدنيا تضيق عليكي حُضني يبقى واسع

بس بين " بحب " و بين " مليش كرامه " فرق شاسع

على بالك ؟ .. حتى بالك برضو مكانش سالك

كنتي شبهي في كل حاجه حتى في تشجيع الزمالك

ايه غير حالك .. مش كنت حياتك بالنسبالك ؟

كله طلع كدب و اسف إني اخترتك ام لـ مالك

جه التوقيت .. انا لازم فعلاً اروح لـ بعيد

خونتي و انا مخونتكيش لسا برضو بعيد و ازيد

و فانزي زهقوا مني جايز بكره ميسمعونيش

و بكره اكيد هعود نفسي على بُعدك متقلقيش

----

هعود نفسي على بُعدك منستغناش ..

حقيقي خسرت من وقتي و عُمري بلاش

و جه التوقيت .. اروح لـ بعيد

وصلنا لـ حل منفعناش ..

----

وصلنا لـ حل منفعناش و مكانش نِفسي

ابيعك و ببلاش عشان اشتري حياتي و نفسي

كان بـ ودي تحسي .. من غير ما حتى يطلع حِسي

و دي النهايه مفيش حنين لازم في قلبي اقسي

ملهاش اي فايده تسيبي ناري قايده و تفضلي باعده

قولتي انا جمبك اموت من بعدك و كانت مفاجأة من بعدي عايشه !

مكانش له لازمه إني ازعل لو هزعل هبقى اكيد اهبل

ولا هرجع ولا هسأل ولا هقبل منتيش زوجة مستقبل

فـ سهله .. ملوش لزوم في حبالك الدايبه اتشعلق

دموعي مبتنزلش دي بقت على قلبي بتتزحلق

كله ذلّك .. حتى اللي قالك " هفضل دايماً جمبك "

سابك لوحدك خدت جمب محدش حس بـ زعلك

كنتي ناقصه و مهما بعمل ليكي ولا حاجه تكفيكي

ياما فضلت اشتريكي و في الاخر مطمرش فيكي

فجأة مشيتي ولا سيبتي سيره حتى تعيش بعديكي

و ياريتني كنت شوفت من بدري الغدر في عينيكي

----

مسابش لا سيره ولا ذكري تعيش بعديه

ياريت من بدري كان الغدر بان في عينيه

ياما عاتبته و كبرته .. لكن مطمرش فيه التقدير