كلمات اغنية نوبه زياد الدساس 2020

 نوبه 

مبقتش أنام بالليل تقدر تقول في دماغي خفافيش

القهوجي قال " تطلب ايه !؟ " قولتله " هاتلي صحاب عشان مليش "

كان غريب أتبّت في اللي كانوا سايبين

لما حبيت أعرف هفرح إمتى , إتكسرت كل الفناجين

انا قلبي وجعني .. و حبيبي أهو باعني يعني

و بحييكي عشان عرفت عينيكي تخدعني

كان تمثيلك هايل , لأ بجد شابوه

حزين ياهو .. ولا كنت بمثِل ولا بقدم شو

زرعت ورود , حصدت برود في ردود , مثِلت إن انا مبسوط

قولتلها " تعبت " قالتلي " بدعيلك ترتاح و تموت "

ساعات بيتهيألي , و أشوفها في كل الناس

إيدها كانت فيها دِبله , و إيدي إتقطعت بـ مواس

كله بالهداوه .. انا إتجرحت و إمتى أتداوى !؟

الحُزن جه يكحلها عماها , الدنيا خدت أفراحي إتاوه

خلصانه .. قلبي صانك .. لكن خربانه خربانه

كتبت على باب قلبي ' مُغلق للصيانه '

----

حبيت بجد و أتاري .. لعبوا بـ قلبي كإنه أتاري

كنت أضرب و داري , و بقرب تعالي , كنت أحزن و أداري

جتلي النوبه , دعيت تكون دي نومه بلا قومه

دلوقتي عايزه نرجع !؟ .. نأبك طلع على شونه

الحُزن طرق بابي , كله ترك حتى أحبابي

قلبي إتطرف انا مش باكي , دمعي مطر من شباكي

عبّي في جوفك .. إوعاك تظهِر لحد خوفك

مشوفتش غيرها و هي شافت بعدي أكتر من شوفه

----

طيفك حضنّي و كان مشهد حزين و رومانسي

علمت الكل ينسوا , و في الأخر بقيت المنسي

تعبت من كُتر أما بحكي و ملقاش غير تريقه

لو كان ده مقلب عاملاه فيا يا دنيا كفايه بقى

بياع كئابه لكني إتباعت بسبب طيبتي و هبلي

ده انا حتى لما حكيتلك زعلي لقيتك بتسقفلي

صورتك لسا في عقلي , بس بقى عليها حداد

و انا عُمري في يوم ما نقصت بـ بُعد حد انا إسمي " زياد "

طيبتي جابتني لـ ورا .. دوّرت على صاحبي و لم أرى

ركز في ملامحي أكيد هتلاقي تجاعيد و هالات من الآرق

لما بفتكرك مش بزعل قد ما انا بحس بـ قرف

و إنك كان إسمك جمب إسمي في يوم يزيدك شرف

كبرت و أوضتي الضلمه بقت المأوى بعد ما كنت فيها محبوس

بطلت أحلم لإن حياتي كابوس ..

كنت ببكي عـ اللي ميستاهلوش فـ عياطي مكانش مُريح

حبايبي كانوا ورق فـ انا مش هقدر ألوم الريح

----

حبيت بجد و أتاري .. لعبوا بـ قلبي كإنه أتاري

كنت أضرب و داري , و بقرب تعالي , كنت أحزن و أداري

جتلي النوبه , دعيت تكون دي نومه بلا قومه

دلوقتي عايزه نرجع !؟ .. نأبك طلع على شونه

الحُزن طرق بابي , كله ترك حتى أحبابي

قلبي إتطرف انا مش باكي , دمعي مطر من شباكي

عبّي في جوفك .. إوعاك تظهِر لحد خوفك

انا شوفت غيرها زي ما شافت بعدي أكتر من شوفه