كوبليه ما هي كلمات اغنية و كإن زياد الدساس ...؟
تاريخ طرح اغنية زياد الدساس الجديده و كإن
٠٩ سبتمبر ٢٠٢٠
كلمات اغنية و كإن زياد الدساس 2020
و كإن
انا كومبارس في حياتي و عمري ما شوفت دور بطولي
حلفولي هيفضلولي و في النهايه سابوني بـ طولي
بقى يعني .. انا أشتريك و ألاقيك بـ سهوله بايعني !
بعد ما كنت بحارب ليك , دلوقتي جاي بتحاربني !؟
البعيد دايماً بفكر فيه و نسيني و عاش بعديا
بقيد صوابعي العشره شمع ليهِ فـ ولع فيا
و هي .. كنت بعدّيلها و في غلطات كنت بعِدلها
كان نِفسي أعدّلها , كانت مايله و كنت نِفسي أعدِلها
بكتم نفّسي بـ مخده , و اخد نفسي في حُضني
و أرفع إيدي للسما و أقول " أرجوك ريّحني و خدني "
كنت مبشكيش كل أحلامي إترمِت في التوابيت
و مابيَديش غير إني أطلع همي ليك بـ كلام عـ الـ Beat
إكمني كئيب شويه , عايزين يرموني في مصحه
انا تعبان و الدنيا جايه عليا , إدعولي أنام و ما أصحى
دول كانوا ولاد كلب , و أنا غلطان الكلب كان أوفى
جايين يتعالجوا و يمشوا كإن قلبي بقى مستشفى
----
و كإن .. مكتوبلي أحِن للي مش بيحِن
فـ هما خرجوا من حياتي من غير حتى ما ياخدوا إذن
فـ تعبت .. و وجعني قلبي لما إتعاد الفيلم
انا كنت فاكرهم حبايبي , و " إن بعض الظن إثم "
ايه اللي جد في قلبي جرح
و بعده جرح , و بعده جرح معشِش
انا قلبي إتغش و حلمي نعش يلا نفركش
قالولي " أبعد عن الحُب و أغنيله " فـ أنا غنيتلك
هو سابك فـ عرفتيني بس عشان تفِشي غلّك
اللي بينا مش هيرجع كل ذكرى في قلبي بتوجع
فين اللي انا حبيتها , انا بقيت شايف طشاش
و كل ما عيني بتدمع , أفتكر ايه اللي باعدنا
خلاص انا قلبي مات من بعدك , و اللي ميت مبيصحاش
بقيت بتطوّح .. بدوّر على بيتي و مش عارف أروّح
إمشي يلا لما جيتي معادش فيه حاجات تفرّح
انا نِفسي أحِب بعدك , زي ما إنتي حبيتيهِ
كان سر ما بينا فضحتيهِ , طب خليتيلي ايه أحكيهِ !؟
متزعليش .. إديتك حنان الدنيا و مديتيش
كنت حزين , لما مديت إيدي ليكي ممديتيش
فـ انا بقيت بـ حالات ساعات بكون فرحان و ساعات زعلان
كإن قلبي كان رخيص و إتباع في " محلات الأحزان "
----
و كإن .. مكتوبلي أحِن للي مش بيحِن
فـ هما خرجوا من حياتي من غير حتى ما ياخدوا إذن
فـ تعبت .. و وجعني قلبي لما إتعاد الفيلم
انا كنت فاكرهم حبايبي , و " إن بعض الظن إثم "
اغنية و كإن زياد الدساس 2020 بالكلمات مكتوبة كاملة تم طرح اغنية زياد الدساس الجديدة على القناة الرسمية على اليوتيوب بتاريخ ٠٩ سبتمبر ٢٠٢٠ كوبليه كلمات اغنية
