كلمات اغنية ياريتك زياد الدساس 2023

 ياريتك

انا اتوحشتك رغم قسوتك و وحشاتك

و عارف برضو اني ولا يوم في البعاد وحشتك

ذنبي في رقبتك مش هضعف تاني و اسامحك

اتجننت لدرجة اني بشوف في وشوش الناس ملامحك

انا اضعف من ما تتخيلي ..

ببان قوي و قادر عـ البُعد بس انا تعبان اوي

بقالك سنه و نص بعيده ولا حتى بتسألي

بنام و بحلم بيكي معايا و اصحى على واقع سودوي

انا مش لاقيكي .. مهما ادور مش لاقيكي

كنتي صاحبي و كنتي اهلي .. كنتي عزوتي و شريكي

و انا عارف انك مش هتبقى ليا ولا ابقى ليكي

بس انا صعِب عليا انك تبيعي و انا شاريكي

معرفتش اعيش بعديها مكانتش فترة عشان اعديها

دي الغلطه الكام عِديها بسامح فيها و بتعيديها

ربنا يهديها .. كانت بنتي و كنت مربيها

يعز عليا انها سابتني و راحت للي بيلعب بيها

العمر بيا وقف و انتي بعيد عن عيني كبرتي

و العيد ميلاد اهو عدى علينا و انتي مش خطيبتي

كانت كل الدنيا بتنور وقت اما الاقيكي ضحكتي

بعدك بضحك .. بس الضحك ده كله كان على خيبتي

عدت سنه و نص و لسا برضو في عيني اميرتي

مهما قابلت و شوفت مش هحب قدك انتي

ياريتك كنتي باقيه عليا ياريتك كنتي فضلتي

ازاي تخوني ثقتي و كنت بقول عليكي " بنتي "

مكانش سهل عليا تخوني ..

لو كل الدنيا كانت بتهون عليا مش بتهوني

كل اللي بعدك دول بيعدوا وقتي مش بيطمنوني

صورتك لسا زي ما هي خلفية تليفوني

انا مزهقتش منك .. ولا بطلت احبك

بس تعبت من الصراع قلبي يحن و عقلي يسبك

متقوليش انا سيبتك .. بزعل لما يجيبوا سيرتك

و ده وضع يتعب .. اول ما راهنت عليكي خسرتك

مش كان زماننا سوا بنضحك على كل اللي عدى ؟

مبقتش استحمل كلمة خلاص بقت نفسيتي هشه

ازاي تقولي " ماشيه " .. ازاي تكوني باعده ؟

ده انا قبلك كنت بغرق و انتي كنتي ليا القشه

عاتبيني .. طب قولي اي حاجه حتى و بوحي

قولي ان مهانش عليكي البُعد ولا بتهون جروحي

مجاش في بالي انك هتمشي و يمشي معاكي طموحي

لما كنت بقولك انك " روحي " مكانش قصدي تروحي

العمر بيا وقف و انتي بعيد عن عيني كبرتي

و العيد ميلاد اهو عدى علينا و انتي مش خطيبتي

كانت كل الدنيا بتنور وقت اما الاقيكي ضحكتي

بعدك بضحك .. بس الضحك ده كله كان على خيبتي

عدت سنه و نص و لسا برضو في عيني اميرتي

مهما قابلت و شوفت مش هحب قدك انتي

ياريتك كنتي باقيه عليا ياريتك كنتي فضلتي

ازاي تخوني ثقتي و كنت بقول عليكي " بنتي "