كلمات اغنية يا بختك زياد الدساس 2020

أه يا خيبتي .. مسكت فيكي و إنتي سيبتي

كنتي متبته في إيديا , ليه دلوقتي خيبتي !؟

كرهوا قُربي , إتبخر حُبي , دفنت قلبي , و كنت تُرَبي

ضحكي في أول كل تراك كان طالع لكن من غُلبي

قلمي خلص و انا بكتبلك فـ إستخسرت إني أبري

انا تُرَبي و إنتي قاتله فـ بكره هتتدفني في مقابري

كفاياكوا ضرب في قلبي ما إنتوا عارفين إنه مات

انا شخص لو لقيتني أتجرح هنزفلك تراكات

سرّي مترماش في بير ده كان كولدير و شربوا منه ناس كتير

عيّشت نفسي في وهم كبير

إتكسرت كسور كبيره و مش هيلصمها الأمير

هتفضلي في عيني الأميره و لو مش انا أمير

بتحبيني !؟ - أه , إنتا كويس !؟ - أه و هفضل أسامحك

ما هو انا مكانش ينفع أسيبك كده تكدبي لوحدك

شوفتي .. إزاي هديتي كل اللي بيتبني

و عندك حق مغلطتيش ما إنتي مقولتيليش " حِبني "

----

يا بختك عندك صحاب , و عندك أهلك

فـ سهل عليكي تنسي , و كل يوم في جسمي بهلك

قوليلي إزاي هديتي شخص طول حياته ساندك

يا بختك .. عرفتي تنسي انا نِفسي انساكي زيك

رجعت لـ نفس الصفر اللي انا بدأت منه

دخلته بيتي , و راح فضح سرّي , و كنت مآمنله

أخ .. كان أكتر من أخ بس لقاله إخوات غيري

جيبت سيرته بـ كل خير لكن نكر خيري

تعبي اللي جالي كان هادد قبلي في عواجيز

بكرن تبيعهم زي ما بيعت أخوك عشان ملكش عزيز

الدنيا كان كفها معلم على قفايا سكه

كله سكه .. انا إشتريت بالغالي و باعني بـ فكه

و رجعت لـ أوضتي برضو كتبت

حكيت لـ أربع حيطان و مزيكا كلام مقولتهوش لحد

و عادي عارف إنه مكانش قصدك

مش بعرف أحكي بعرف أعيط .. حابب أعيطلك !؟

بكره هوريكوا إني أجدع واحد فيكوا

نغزة قلبي أجدع منكوا بتيجي , و إنتوا مش بتيجوا

صاحبت حيطان الأوضه , و كل ليله أسهر أكلمهم

انا اللي إديتهم عيني راحوا إدوها لـ حبايبهم

----

يا بختك .. صحابك هيسيبوك و مش هرجعلك

الدنيا معانده , و شيل ده من ده يرتاح ده عن ده

كُنا إخوات و بحكي ليك مشاكلي , و بتحكيلي مشاكلك

يا بختك .. عرفت تسيبني انا نِفسي اسيبني زيك