كلمات اغنية شفت الجفا سعود الحبابي 2022

الا واعذابي لاطرالي بعض الاحيان

زمان مضى ياجعل يسقى على عيني

لمني ذكرته هل دمعي على الاوجان

ويطري علي مافات في ماضي سنين

ياكم ليله مرت علي سالي طربان

اسج القدم واتبع طريق المحبيني

وذا العام يالله لاتعوده على الاعيان

طعمت المراره فيه والحزن والشيني

من الصاحب اللي خان عهدي وهجره بان

وشفت الجفا من عقب ماكان يغليني

هجرني وقفا دون سبه ولابرهان

ونسى اللي حصل واللي جرى بينه وبيني

وجودي على الراحه ووجدي على النسيان

وجودي وانا ماقدر ولاعاد يمديني

اسولف مع العربان واجامل العربان

وانا والله ان الهم والحزن كاويني

تعذبت يالاجواد.. واظن ماشٍ زانً

ولالي جدى الا قولة يالله تعيني

من اللي حصل باخذ سنين وانا مرضان

وببطي جريح والحزن بين فيني