كلمات اغنية تعبت اخبيها سعود الصليلي 2021

غبتي وبعدك كل شيٍ غاب

يا سالفه تعبت اخبيها

عندي كلام ودمعتين عتاب

مدري على منهو ابشكيها

قلبي رحوم وما يصكر باب

والناس ما ترضى لو ارضيها

اليا متى وانا سجين كتاب

كلمة احبك ما قريتيها

تبين في وجهي قبل تنساب

ب ابيات شعري لك واغنيها

يا غايبه تبت يدى الاسباب

وتبت يدى الذكرى وطاريها

وتبت يدى الشعار والكتااب

الا جروحك طابت ايديها

ما تشبهك توفي مع الاحباب

وشلون انتي اللي جرحتيها

تبدين حب وتغرسين احراب

يا وين ابلقى من يداويها

غريب لكن ما اشبه الاغراب

لو اسكن الديره واراضيها

تباعدوا عني كثير اصحاب

واسماء ما زالت اساميها

مثل ما جفوة دمعي السكاب

لعيني يوم انك جفيتيها

ما تملي عيون العباد تراب

وشلون انتي اللي مليتيها

الابتسامة تخفي الانياب

والبسمتين اللي ابتسمتيها

فيها من وسوم الهوى الغلاب

وفيها وفيها كثر ما فيها

وشلون تهويني وانا منصاب

اصابتي يعني ما شفتيها

وشردك ان عالوا عليك اقراب

عاداتنا وشلون نلغيها

لا تجاوبين اجابة استغراب

الاسباب توجع قبل نبديها

الجرح ما احبه ليا من طاب

جروحنا احيان نغليها

نخبي الدمعه عشان انهاب

مدري على شنو نخبيها