كلمات اغنية محسومة سلطان البريكي 2026

علي مركاي متنومس واقند دلــة الرسلان

بدعــت الشعر والأبيات بالأفكار منضومه

يعين الله في الميدان راعي الهجن والهجان

إذا اختلفت موازينه وإلا من ضاعت اعلومه

مادام ان التحدي حان أنا عندي عليه رهان

اشوف ان النتيجه من قبل تبدون محسومة

إذا حــول شعار احمر كنه من لهب نيران

علي هجن الرياسه صورت الناموس مرسومه

تحجز المركز الاول لو ان شان الركايب شان

تزعم وتغطرس لافتتاح الريس وترومه

عليك اللوم ياللي تحسب ان الفوز بالمجان

يا كم واحد لفا بحلوم لكن ضاعت حلومه

نوادر شرد ارقاقن وحلاهن يسحر الأعيان

وفيهن من بنات الريح سد وسرعه وقومه

من السبق القوي يتراكتن ذير كما الغزلان

جميع منافسيها من حقوق السبق محرومه

مادام اللي وراها شيخنا سلطان بن حمدان

من يراهن على اسمه من هو اللي يقدر يلومه

الى منه وقف تاقف له الدنيا وقوف اذعان

يعدل الميل والمهموم يجلا عنه همومه

سديد الراي سداد المواقف سيد الشجعان

وله في كل مبدا هومتن ما بعدها هومة

مضريها علي حصد السيوف بساحة الميدان

يسيرهن حسب خطته وبنظرته وعزومه

فلاحيٍ نواميسه تعلق في سماء الأوطان

عليها بصمته وبصفحة التاريخ موسومه

ندي الكف طلق حجاج وأغدق من وبل هتان

علي الطولات متعود وذي عادته من يومه