كلمات اغنية الوش القاسي سلطان العماني 2026

وجعت قلبي كتير وايه اللي استفدته

غير التعب انا منك ايه بس اللي خدته

مابقاش فيه حاجه تانيه ممكن تتعمل

مافرقش عندك يوم وجودي أو غيابي

علي ايه هتزعل ليه بقي خليك ايجابي

وبلاش تمثل يوم عليا دور الزعل

اللي انا شوفته معاك انا عمري ما كنت استاهله

غلطة وقلبي عملها زمان من طيبته وجهله

لما ف يوم حبيت من غير ولا اي شروط

قد ما كنت بحب انا فيك توجع احساسي

كنت تملي مبين ليا الوش القاسي

المرادي انا هبعد حتي ان كان فيها موت

ضحيت بجد كتير اوي علي نفسي جيتلك

كات غلطتي انا لما كنت ف يوم ساكتلك

وقبلت اعيش وياك سنين دور الضحيه

كان لازم ابعد يوم وافوق فعلا ل نفسي

لو ع الوجع بكره السنين تقدر تنسي

ولا اني اشوف انا كل يوم منك اذيه