كلمات اغنية دفعة بلا سليمان محمد 2024

يعني ظنك لو تجيني قمت وطقيت الدفوف

ولا بنطق في مجيّك .. "يا هلا بك مسهلا" !

خير ياطير إشتبي بي ؟ اعفني كثر الحلوف

وش بعد ما شفت يلّي ماخذ جروحي حلا

لي متى بعذر ظروفك لعنه تلعن هالظروف

ماني برحمة مزاجك ! و الله لا يديمه غلا

كنت راسمك بخيالي شمس ما تعرف كسوف

واظلمت قربك حياتي.. ضاق صدري وإبتلا

لا تلوّح في رحيلي قلبي أعمى ما يشوف

والمفارق في حياتي مثل كلمة " يا هلا "

ايه ابيع بيوم وليله ، واحرق كتابي واعوف

وانسى يومٍ بك جمعني ولا لي بحكي الملا

رح مراح دموعي إللي طاحت بحرقه ذروف

والله اني طبت وبعدك ؛ هَمّ قلبي .. إنجلا

لعنبو جد الحسايف ما على الفرقا حسوف

والدموع اللي اهلكتني .. جعلها دفعة بلا