كلمات اغنية الغياب المّر سويلم المناور 2026

لا شعور إلا شعور الصادقين

ولا حياة إلا حياة الذكريات

يـ الطريق اللي جمعنا عابرين

كانه ارحم باللقى فينا وجات

الغياب المر و ظروف السنين

و الشغف لازال ضمن الساريات

مـ التقينا شوق لكن خابرين

الصدف تعطي جميع المعطيات

انتي اجمل للنظر عينٍ بـ عين

يـ بقايا روح في جسم الرفات

يالجناب السمح يالغر الثمين

ياملاك بـ عين كل المترفات

جابك الله في غضون وساعتين

والضلوع تحن حن المرهفات

اه لو اعرف وش اللي تامرين

ما ارده لو ورا شفك ممات

استخيري واسجدي لك ركعتين

واذكري ماراح من عمرك وفات

-

استخيري و الغلا باقي متين

عن صدوف الخلق والا الذاريات

-

للغيوم الماطره لا تناظرين

في عيوني غيم وامطار ونوات

-

لاسقى الله غيبة اللي غايبين

لا عطونا علم ولا قالوا وصات

-

ما تخفى شي والخافي يبين

لليالي صبر و للدنيا رحات

-

جيت لكن مابقى شيٍ دفين

جيِت المشتاق لعيون المهات

-

ودي اسمع صوتك العذب الحنين

واستعيد اللي مضى من ذكريات

-

ليت بـ أول عامنا القادم تجين

واضحه من دون شك ومغريات