كلمات اغنية شهران الكباريه شبل الدواسر 2025

شهران الكباريه

لا قيل ابن العلا يطري على البال الكرم والجود

على وسق الشداد ومنبع ( امجادٍ بطوليّه )

شيوخً دون شهران العريضه ترتكي وتذود

اهل معدالً يخلّص ويعطي الحق ( راعيّه )

على بالي طواري حبلها بالمعرفه ممدود

لها خمسة عشر عام ومعانيها ( رجوليّه )

سمت بالطيب وارهت به على وضح النقا المجرود

وثبّت ساسها روح الوفاء والسمعه الحيّه

وجب تفصيلها لاكنّ هبي ياهبوب النود

انا لي هاجساً تشعاه الابيات الحماسيه

سلام الله على ضلعا ًشمخ ما بين طود وطود

خويا ً ما بعد قال اخذ هذا لك وذا ليّه

نقل حملاً ثقيل وقام به يوم الحمول تكود

ومعاه اخوانه اخوان السعد حماية الهيّه

مامات سعيد بن ناصر وعقّب من وراه فهود

على الطاله مشو ممشاه ويديهم رهاويّه

عسى الله لا يفرّق شملهم والله يبيح العود

عسى الله يرحمه خلّف عيالٍ كلّهم ( زيّه )

ياطيب المحفل اللي جوله عزاز النفوس حشود

وجوله من غلا راعيه و التقدير ( ماريّه )

نبارك لك وندعي لك بخير ويا عساك بزود

ويبني لك بيوتاً بالوفاء والعز ( مبنيّه )

على ناصر جزيلات المدايح والثنا مردود

يوم ان الكفو دايم وقفته ماهيب عاديّه

ليا كبرت وراحت بيض الايام السعيده سود

تحزّم به بني واهب وشهران ( الكباريّه )

يحفظ المرجله ويداري السمعه من المنقود

وعيناً من ورى هذي وعيناً من ورى ( ذيّه )

يشيل الحمل ماعاتب زمانه نقص والا زود

عزيز النفس حمّاي المواقف صافي النيه

ليا من قلت ناصر ياحزامي ( ياكبير الفود )

يقول المجد في زوّاع والعزوه ( عموديّه )

يجمّل موقفه وانشهد ان ناصر عريب جدود

اماري به واماري بسمه وفعله و ( طاريّه )

لا قيل ابن العلا يطري على البال الكرم والجود

على وسق الشداد ومنبع ( امجادٍ بطوليّه )

شيوخاً دون شهران العريضه ترتكي وتذود

اهل معدالاً يخلّص ويعطي الحق ( راعيّه )

وشهران اسماً اشهرته فعولاً صيتها مشهود

على حد الجنوب رجال وجبالاً ( لها فيّه )