كوبليه ما هي كلمات اغنية المخدرات مش كيف شيندو ...؟
تاريخ طرح اغنية شيندو الجديده المخدرات مش كيف
٢٧ مايو ٢٠٢٥
كلمات اغنية المخدرات مش كيف شيندو 2025
سيبت الكل بكيفي
كله عينيه على رغيفي
باصين على رزقي وحاسدني
وشكلي انا هافرد سيفي
مني بقت متغاظة
يا عيال شبه الفازة
عمر في يوم ما هتبقوم زيي
انتم جيل الحظاظة
صحبة ماية وهاش
دخلوا على الجابيماش
والجنايات اشتغلت اديت
حكم على النتاش
بقوا يسرقوا أهلهم
ويحطوه في بوقهم
منك لله ياللي غويتهم
بيعت وضيعتهم
بيقولك ضرباية
يالا بينا في فركاية
نعمل احلى دماغ
بعديها هنشوف عطاية
سلسلة ع الكتاية
ويقضيها قضايا
ما هو مش داري بحاله
اخرته هتكون جوه سرايا
عالم بقى ضريب
جواه تعيشها كئيب
بيضيع في فلوسه
كل شوية يروح و يجيب
امر بجد عجيب
والشكل بقى مريب
راحوا طريق بلا رجعة
ويقولك ده قدر ونصيب
لمبه مع الولاعه
ايس كل ساعه
بالنسباله عادي مش ادمان
ويعلقلك شماعه
عايز افضل صاحي
ماشي معايا سلاحي
عامل نفسه دكر
ومفكرها دماغ و نصاحه
واللي يقولك شد
وفي جسمه بيهد
وقت الجد يكون متسوح
ولا يقدرش يسد
وانا من الخلق تعبت
ضربوا الواد والبت
وبينزلوا في الشارع بمكنة
يخطفوا شنطة ست
الايام دوارة
وبيبتدوا بسجارة
سحبة في تانية تجيب الشدة
ويتجروا لخمارة
مكسب ولا خسارة
ياللي فاكرها شطارة
وشيطانهم يبدأ يتحكم
لما قالولوا يا إدارة
خطة مداها بعيد
شكة تكون في وريد
وهموا الناس أنه الإدمان
هيخليك تبقى سعيد
تضرب نص شريط
انت ساذج وعبيط
الحق فوق نفسك
م الأوهام افهم يا عنيد
اسمع مني نصيحة
قبل ما تبقى فضيحة
من أهلك مكروه وهتسمع
كل شوية طريحة
صنعوا وعملوا كرونا
عايزين يحتلونا
خلوك محتاج ليهم دايما
علشان تلقى معونه
بالكيوف ضربونا
جابوا خلطات ملعونة
وشبابنا بيضيع ويموت
وبكده قدروا يحاربونا
وانتهت الحكاية
اغنية المخدرات مش كيف شيندو 2025 بالكلمات مكتوبة كاملة من كلمات Shendo masr تم طرح اغنية شيندو الجديدة على القناة الرسمية على اليوتيوب بتاريخ ٢٧ مايو ٢٠٢٥ كوبليه كلمات اغنية
- كلمات : Shendo masr
