كلمات اغنية ليه يا صاحبي سافرت وسيبتني شيندو 2025

حزن كامل في عمقي

حزن مجهول الأسباب

قلب الساكن في جنبي

ف على الدنيا السلام

ليه يا صاحبي سافرت وسيبتني

آه منها الحوجه على الجنيه

مفتقدك جدا ارجعلي

بالله عليك انت وحشتني

طايب مين بيا هيعتني

غيرك بعد ما ودعتني

الله غالب عالم بحالي

عامل ازاي لما فارقتني

الوحدة انا مني اتمكنت

والناس ضمايرها اتبدلت

والحال مابقاش هو الحال

والجته خلاص اتفتت

ماهي تعبت ياما استحملت

صدمات أوجاع من غير ليميت

انا خايف اسلم واستسلم

من كتر دماغي مابتضغط

والسن بيكبر وبعجز

ومفيش حد عليه اتعجز

والناس دي تملي بتخدع

وتخون بالنسبالها بتتلذذ

واللي يضايق واللي ينرفز

يبقى عبيط وكمان بيليس

ويقولك بقى سيبك منه

ماحلتوش حاجة وجيبه مفلس

فاكر يا صاحبي أيام وقعتهم

راحوا لمين واتمدت إيديهم

واتصدوا من الكل وجولي

مالقوش حد نهائي يساعدهم

وانا وقتها مارضيتش اسيبهم

جيت على نفسي عشان أسعدهم

بعد مانجحوا اختفوا نهائيا

ما خلاص خلصت انا مصالحهم

وتصادف وتمر ليالي

الاقيهم شلة اتجمعت

اللي باع بقي هو الغالي

غصب عني أنا عيني دمعت

ده هو بجد اللي زمان جالي

خلاني  علشانه اجتهد

في الأول كان يترجاني

بعديها I don't know what happened

طايب دي بكاسة ولا ندالة

فاكر دماغك كده شغالة

حتى سؤالك مش موجود

ما توقعتش تبقى حثالة

اتلميت على ناس بريالة

وبالنسبالهم انت كمالة

وضحت كل الصورة قصادي

الموضوع منتهي يا زمالة

لو سرقت منا الأيام

في قلبي تبقى ذكراك

امتى يا صاحبي هترجع قولي

تعبت انا من اصحاب التوللي

قصة شوق ب دربي

تروي أحلام قلبي

دائما وقت الضيقة يخلعوا

لا وكمان يأذوني في شغلي

ليه الخير يتقابل بأذية

كله قاسي مفيش حنيه

شوفت اللي بيحصلي يا صاحبي

تعبان محتاجلك جمبيا

ترجع تملى الدنيا عليا

ونهون على بعض شوية

انت الأصل الباقي معروف

سد خانه استعارة مكنية

ليه يا صاحبي سافرت وسيبتني

آه منها الحوجه على الجنيه

مفتقدك جدا ارجعلي

بالله عليك انت وحشتني

طايب مين بيا هيعتني

غيرك بعد ما ودعتني

الله غالب عالم بحالي

عامل ازاي لما فارقتني