كلمات اغنية الليال الهاديه صالح الزهيري 2024

الليال الهاديه 

طرّف الليل واللي طرّف دموع عيني

‏موقفٍ كل دمعة فيه جملة مفيده

‏فيني احزان مدري وش وراها وفيني

‏غصهٍ ودي اكبتها وتطلع قصيده

‏يبدو ان الليال الهاديه ما تبيني

‏مقفيه مثلها مثل الليال السعيده

‏ضايع تقول شايل روحي براحتيني

‏منصدم من خدينة روح راحت فقيده

‏كذّبتني خلاص وصدقّت عاذليني

‏وانا مدري من العاذل عسى الله يبيده

‏وانا لا شفتها من شوقي ومن حنيني

‏يمكن ارضى بعد بالظلم ماهي بعيده

‏ياغناتي مدام ابغاك وانتي تبيني

‏لازم أعيد معك الماضي الله يعيده

‏التفّت ليساري والتفّت ليميني

‏يوم ماشفت مثلك مثل كملت سيده

‏بايعٍ كل عشّاقي على معجبيني

‏كلبوهم فدا عينك بديده بديده

‏انتي اخطاك واجد بس لا تحرميني

‏كل غلطة تجيني منك درة فريده

‏قرّبي وابتديني عشق ما ينتهيني

‏عشقٍ يكون اشد مْن الرياح الشديده

‏مقدر اعيش من بعدك عمر صدقيني

‏انتي امنيتي المستعصيه والوحيده

‏معك قلبي تقول مجّوده في يديني

‏عقب ماكان طيرٍ صيدة اللي يصيده

‏حكمة الله هي الإعجاز بينك وبيني

‏انا كنت اتدفا فيك وانتي جليده

‏لو تغيبين ما خلا قرينك قريني

‏مرتبط معك حال وبال واشياء عديده

‏عقب فرقاك كني فاقدٍ والديني

‏حالتي حالة اللي شاف موتة عضيده

‏لا يسرّك بكاي ولا يسرّك ونيني

‏منهدم كل شيٍ فيني الا العقيده

‏خايف يضيع ديني كملي نص ديني

‏نصي الاول تْعرفين ماهوب سيده