كلمات اغنية حبيبة الروح طالب المري 2020

حبيبة الروح والذكرى محطة حنين

تستنزف دموع كل اللي يمرونها

قبل افقدك زين ماكنت اعرف الفقد زين

وماعرف نار الفراق اللي يقولونها

وعلى كثر ما فقدتك كان عندي يقين

بكرة ..! تقر العيون ، بشوف مظنونها

كنت ادري انك بعد هذا الغياب بتجين

وان الجروح بتشافى لو على هونها

يامرحبا .. واتركي الاعذار عذرك سمين

جيتي: وكل الاماكن قرت عيونها

هاللحظة اللي فرح فيها الشعور الحزين

بعيش واموت .. ( شاكرها وممنونها )

لك وسط قلبي ممر وشرفة ووردتين

مهما تمر الليالي لونها لونها

وشلون برضي غروري فيك وابدا منين

وانا اعطي افكاري التعبير ، ويخونها !

دورت لك في كلام الحب بين السنين

من جيل هالوقت: لـ ليلى ومجنونها

كل الكلام اللي قد قالوه ماهوب زين

في حضرتك .. ياهدب عيني ويانونها

واحبك : استنزفوها واجد العاشقين

احتاج كلمة جديدة .. مايقولونها