كلمات اغنية يبطون يبطون ظافر الحبابي 2016

ياللي مع المفرق الغربي تمرونه

ياحضكم فيه دام انكم تشوفونه

قولوله العمر يركض والزمن يجري

لايحسب الناس والدنيا على هونه

علمي به العام يوم ان جونا صافي

قبل يجي جونا ناسٍ يحسونه

ياهل السواليف مدري عن سوالفكم

فيني من الضيق شيٍ ماتحسونه

اللي تعلق بواحد مادرا عنه

ياعزتي له وكان الله في عونه

يجيب طاريه متقصد ومتعمد لعله

يطيح في ناس يعرفونه

واللي يحبونه اهملهم على شانك

حتى خسرك وخسر ناسٍ يحبونه

وحيد والوحدة اصعب شي فالدنيا

تكره الشخص في نفسه وفي كونه

لاصار مديون هم وفاقد(ن) غالي

بالله ياناس كيف يسدد ديونه؟

دايم يقولون بعد الشينة الزينة

وانا تعبت انتظر شيٍ يقولونه

والله مابي شي منه ان كانه مقفي

ماغير ابدري عقب فرقاي وشلونه؟

ان كانه بخير قلت الله يسهل له

مانيب قايل عساها تدمع عيونه

وان عاش من دونه الله يحفظه

لكن المشكلة صدق كيف اعيش من دونه!

تكفون ياللي تجونه من يبشرني

عساه مازال رقمي في تلفونه

ابيه يذكرني اليا جيت في باله

واني تحديت كل الناس لعيونه

دلة مشارعك مافاحت ولا صبت

عط الملاهيف فنجال(ن) يذوقونه

الحب ماحرمه ربي ولا ذمه

مدري ورا الناس والعالم يذمونه

سويتلك شي لو تزهم به اخوانك

يبطون يبطون والله مايسوونه