كلمات اغنية صخرة استقلالنا عاصي الحلاني 2025

رخصت إلِك يا أرضنا دموع العيون

وْدمّ القلوب الطاهرة وْعتم السجون

ونْكون.. أو ما نْكون.. صرنا مْخَيَّرين

نْكايِة بِكلّ الكون.. قرّرنا نْكون

من جنوبنا لشمالنا

من سهولنا لجبالنا

خلّوا البيارق عالية

ترفرف على موّالنا..

ولا تسألوا مين انتصر

وحدو إذا بيحكي الحجر

بيقول كم راس انكسر

ع صخرة إستقلالنا

يا جيش عمرو ما انهزم

يا قوى أمن البلاد

يا أمن دولة يا هِمَم

يا زنود عشقانة الزناد

انتوا سبب أمجادنا

انتوا أمان ولادنا

انتوا فرح أعيادنا

انتوا يا عزّ رجالنا..

لا تسألوا مين انتصر

وحدو إذا بيحكي الحجر

بيقول كم راس انكسر

ع صخرة إستقلالنا

يا أهلنا بْكلّ الوطن

يا عزم عمرو ما انطال

يا صبر أقوى مْن الزمن

ما بينكسر صبر الرجال

خلّوا الأيادي تلتقي

عَ حبنا الفينا بِقي

ونقول للشمس اشرقي

ع شطوطنا وتلالنا

لا تسألوا مين انتصر

وحدو إذا بيحكي الحجر

بيقول كم راس انكسر

ع صخرة إستقلالنا